बन्दाबन्दीमा हुने हिसाँ न्यूनिकरण सम्बन्धि अभिमुखिकरण सम्पन्न

इनरूवा / सुनसरीको भोक्राहा नरसिंह गाउँपालिका कार्यालय चिरौलीको सहयोग र ग्रामिण बहुउद्धेशीय व्यवस्थापन तथा सहकार्य केन्द्र (आरयुटीई) लौकही सुनसरीको आयोजनामा दुई दिने लैङ्गिक हिंसा न्यूनिकरणका लागि सचेतना अभिबृद्धि कार्यक्रम शनिबार सम्पन्न भएको छ । बन्दाबन्दी र निषेधाज्ञाको बेलामा घरपरिबार भित्रैबाट हुन सक्ने सम्भावित लैगिंक हिसाँबाट जागिने उपाय सहितको सचेतना फैलाउने उदेश्यका साथ वडाहरुका महिलाहरु र किसोरीहरुलाई स्वास्थ्य मापदण्ड सहितको व्यवस्था गरि लैङ्गिक हिंसा न्यूनिकरणका लागि सचेतना अभिबृद्धि कार्यक्रम शनिबार गरेको हो । गाउँपालिकाकी उपाध्यक्ष पुनमकुमारी मेहताले ग्रामिण क्षेत्रमा एउटै परिवार भित्र धेरै सदस्यहरु हुने भएकाले बन्दाबन्दी र निषेधाज्ञाको बेलामा घर परिवार वा आफ्न्तबाट हुन सक्ने हिसाँबाट जोगिने उपायका बारेमा जानकारी दिने गरी कार्यक्रम सम्पन्न गरिएको बताइन् ।
कार्यक्रमकी प्रमुख अथिति रहेकी उपाध्यक्ष मेहताले आफू महिला भएको र महिलाहरुको समस्यामा साथ दिनुपर्ने भएकाले उनीहरुलाई सचेत पार्ने आफ्नो दायित्व भएकाले लैङ्गिक हिंसा विरुद्ध सम्वन्धि सो कार्यक्रम उपयुक्त समयमा संचालन गरेको बताइन् ।
उनले प्रदेशपाना अनलाइन सँग कुरा गर्दै भनिन् गाउँ घरमा महिलाको समस्या दिनहुँ बढ्दै गएपछि यसकाे समस्या समाधान गर्ने उपाई साेच्नु पर्ने बाध्यता रहेको बताइन् ।
बन्दाबन्दी र निषेधाज्ञाको समयमा हुन सक्ने सम्भावित महिला तथा लैगिंक हिसाँबाट जोगिने वा बच्ने उपायका बारेमा अभिमुखिकरण गरिएको आयोजकले जनाएको छ । गाउँ टोलका महिलाहरुलाई पहिलो पटक ऐतिहासिक रुपमा निषेधाज्ञाको समयमा घर, गाउँ, टोल वा छिमेकमा हुन सक्ने सम्भावित महिला तथा लैगिंक हिसाँबाट जोगिने वा बच्ने उपायका बारेमा अभिमुखिकरण गरिएको हो । विभिन्न गाउँ टोलका महिलाहरुलाई पहिलो पटक ऐतिहासिक रुपमा दलित, मधेसी महिलाहरुलाई सहभागि गराई महिला तथा लैगिंक हिसाँ विरुद्ध जनचेतनामुलक र न्याँयमा पहुँच कार्यक्रम सम्पन्न गरिएको छ । यहाँका किसोरी र महिलाहरुलाई लाभ पुग्ने गरी कार्यक्रम तथा अन्तरकृया संचालन गरियो । महिलाहरुलाई सशक्तिकरण तथा महिला अधिकारबारेमा वकालत गर्न योगदान गर्ने, न्याँयमा पहुँच स्थापित गर्ने, लैगिंक तथा महिला हिसाँ रोक्न प्रतिको सचेतना गर्ने गराउने तथा क्षमता विकासका लागि कार्यक्रम सम्पन्न भएको छ ।
कार्यक्रममा कोरोनको जोखिमलाई ध्यानमा राखी, मास्क र स्यानिटाईजर सहित दुई सिफ्टमा बिभिन्न टोलगाउँका महिलाहरु, र किसोरी तथा नागरिक समाजका अगुवा पदाधिकारीहरु, अविभावक सहितका सरोकारबालाको सहभागिता रहेको थियो । कार्यक्रमको उदघाटन समारोह र समापन सत्र भोक्राहा नरसिंह गापा उपाध्यक्ष पुनमकुमारी मेहताको प्रमुख आथित्य र संस्थाका कार्यक्रम संयोजक मिथलेश कुमार यादवको अध्यक्षतामा सम्पन्न भएको थियो ।
कार्यक्रमको कार्यनिति अनुसार प्रश्नोतर सहितको अभिमुखिकरण गरी कार्यक्रमको बारेमा जानकारी दिएको र लैगिंक हिसाँ र न्याँयमा पहुँच तथा यसको असर अनि कानुनी व्यवस्थाको बारेमा सहभागिहरुको इच्छा र माग अनुसारको कार्यक्रम तय गरेको थियो । यहाँ सवै क्षेत्रका महिलाहरु र सहयोगी संस्थाहरुको समावेश गरीएको, सम्वन्धित सरोकारवालाहरुलाई प्रत्यक्ष सहभागी गराएको थियो । यादवका अनुसार कार्यक्रममा अपेक्षित उपलब्धिको रुपमा महिला हिसाँ न्युनिकरणका बारेमा सहभागीले जानकारी पाएको, महिला अधिकार र कर्तव्य प्रतिको सचेतना गर्ने गराउने काम भएको , महिला हिसाँका कारण, त्यसका निवारण र सहकार्यको बारेमा अनुभव साटासाट समेत गरिएको थियो ।