सुरक्षा निकायहरु बीच छलफल

इनरुवा । सुनसरीको कोशी गाउँपालिका स्थित लौकही नाकामा दुई देशका सुरक्षा निकायहरु बीच छलफल भएकाे छ।
पछिल्लो समय नेपालमा बढ्दै गएको अपराधिक घटनालाई न्युनिकरण गर्ने उदेश्यले दुई देशका सुरक्षा निकायहरु बीच अवश्यक सहकार्य गर्नका लागि छलफल भएको सशस्त्र प्रहरी बेस क्याम्प (विओपी) लौकहीका सशस्त्र प्रहरी निरिक्षक अरुण पाण्डेले जानकारी दिए ।
(विओपी) लौकहीका सशस्त्र प्रहरी निरिक्षक पाण्डेले दिएको जानकारी अनुसार नेपाल–भारत सीमा क्षेत्रमा दुबै देशका सुरक्षा निकायले कडाईका साथ डियुटी परिचालन गर्ने सहमति भएको बताए ।
दुई देशको सुरक्षा निकायहरुको छलफलमा अबैध चोरी तस्करी नियन्त्रण, लागु औषध औसार पसार, मनाव बेचबिखन जस्ता घटनाहरु नियन्त्रण हुने बताइएको छ ।
सो छलफलमा सशस्त्र प्रहरी बेस क्याम्प लौकहीका सशस्त्र प्रहरी निरिक्षक अरुण पाण्डे, कोशी गाउँपालिका वडा नं.१ का वडाध्यक्ष राजु साह, भोक्राहा नरसिंह गाउँपालिका वडा नं.६ का वडाध्यक्ष राजेश्वर प्रसाद साह, नेपाल पत्रकार महासंघ सुनसरी जिल्ला सदस्य दिपेन्द्र यादव, समाजसेवी गोवर्धन यादव र भारतीय सशस्त्र सीमा वल ५६ वटालियन इ का प्रमुख इमो सिंह लगायतका सुरक्षाकर्मी, जनप्रतिनिधि तथा स्थानीयहरुको सहभागीता रहेको थियो ।