सर्लाही । सर्लाहीको पर्सा गाउँपालिका–२ मा हतियार सहित एक युवकलाई प्रहरीले पक्राउ गरेको छ । प्रहरी चौकी नारायणपुरबाट प्रहरी नायब निरीक्षक किशोरी यादवको नेतृत्वमा टोली खटिएको टोलीले शनिबार साँझ रबि होटल नजिकबाट दीपक साहलाई नियन्त्रणमा लिएको हो ।
प्रहरीका अनुसार साहको साथबाट एक थान सानो कटुवा पेस्तोल र सोही हतियारको एक थान गोली बरामद गरिएको छ । उनी पर्सा गाउँपालिका–२ निवासी २३ वर्षीय राजदेव साहका छोरा हुन् ।
पक्राउ परेका साहलाई थप अनुसन्धानका लागि जिल्ला प्रहरी कार्यालय सर्लाही पठाइएको छ । पक्राउ गरिएको स्थान नारायणपुर प्रहरी चौकीदेखि करिब ३.५ किलोमिटर उत्तर–पूर्वतर्फ पर्छ ।
Discussion about this post