टीकापुर / अस्थायी ट्राफिक प्रहरी पोष्ट टीकापुरका ट्राफिक प्रहरी जवान देबेन्द्र बहादुर साउँदसहित तिनजना प्रहरी पुरस्कृत भएका छन ।
कार्य सम्पादन मूल्यांकनका आधारमा सुदूरपश्चिम प्रदेश ट्राफिक प्रहरी कार्यालय अत्तरियाले तीनजना ट्राफिक प्रहरीलाई पुरस्कृत गरेको हो ।
यसैगरी जिल्ला ट्राफिक प्रहरी कार्यालय कैलालीमा कार्यरत प्रहरी हवल्दार जीवन सिंह भण्डारी र प्रदेश ट्राफिक प्रहरी प्रहरी कार्यालय अत्तरियामा कार्यरत प्रहरी जवान भुपेन्द्र बहादुर साउँद समेत पुरस्कृत भएका हुन् ।
प्रहरी हवल्दार जीवन सिंह भण्डारी असोज महिनाको प्रदेशकै उत्कृष्ट भएका हुन् । भने अस्थायी ट्राफिक प्रहरी पोष्ट टिकापुरमा कार्यरत प्रहरी जवान देबेन्द्र बहादुर साउँद कार्तिक र प्रदेश ट्राफिक प्रहरी कार्यालय अत्तरियामा कार्यरत प्रहरी जवान भुपेन्द्र बहादुर थापा मंसिर महिनाको प्रदेशकै उत्कृष्ट ट्राफिक घोषित भएका हुन् ।
उनीहरु तीनै जनालाई बुधबार प्रदेश ट्राफिक प्रहरी कार्यालयमा एक कार्यक्रमको आयोजना गर्दै प्रदेश ट्राफिक प्रमुख तथा प्रहरी उपरीक्षक बामदेब गौतमले अवार्ड र नगद पुरस्कार प्रदान गरेका हुन् ।
ट्राफिक प्रहरीलेपनि बिगतका वर्षहरुदेखि कार्य सम्पादन मुल्यांकनका आधारमा पुरस्कृत गर्दै आएको छ ।
सुनसरीमा एलपी ग्यासको कृत्रिम अभाव, बजारमा कालोबजारीको गुनासो, प्रशासन मौन
सुनसरी। सुनसरीका विभिन्न बजार क्षेत्रमा एलपी ग्यासको कृत्रिम अभाव देखिएको भन्दै उपभोक्ताले कालोबजारी भइरहेको गुनासो गरेका छन्। बजारमा ग्यास अभाव...
Discussion about this post