इनरुवाका युवाहरु उत्साहित भएर नेकपा एमालेमा प्रवेश गर्न थाले

इनरुवा ।सुनसरीको इनरुवा–२ का युवा नेता मनोज मेहता नेपाल कम्युनिस्ट पार्टी एमालेमा प्रवेश गरेपछि इनरुवाका युवाहरु उत्साहित भएर नेकपा एमालेमा प्रवेश गर्न थालेका छन् । पुर्व कृषि राज्यमन्त्रीका छोरा मनोज मेहता नेकपा एमाले केही दिनअघि प्रवेश गरेपछि गृह जिल्ला सुनसरी पुगेर अहिले नेकपा एमालेको संगठन विस्तारमा सक्रिय भएर लागेका छन् । युवा नेता मेहताको पहल र प्रयासमा सोमवार विभिन्न पार्टी परित्याग गरी नेकपा एमाले प्रवेश गरेका हुन् । इनरुवा–२ का असलम खान र जहिर अलि नेपाली कांग्रेस परित्याग गरी नेकपा एमालेमा प्रवेश गरेका हुन् । युवा नेता मेहताको कार्यशैली र लगनशिलताबाट प्रफुल्ल भएर नेपाली कांग्रेस परित्याग गरी नेकपा एमालेमा उनीहरु प्रवेश गरेका छन् ।
नेकपा एमालेको संगठनलाई बलियो बनाउनका लागि युवा नेता मेहताको प्रयासमा टोल समितिहरु समेत गठन भइरहेको छ । इनरुवा नगरपालिका सहित १० वटा वडामा नेकपा एमालेले जित हासिल गर्ने गरी संगठन विस्तार गर्न थालिएको युवा नेता मेहताले बताए । युवाहरुको रोजाईमा मेहता पर्न थालेपछि इनरुवाका विभिन्न वडाका युवाहरु नेकपा एमालेमा प्रवेश गर्न सुरु गरेका हुन् । सोमवार समेत युवा नेता मेहताको सक्रियतामा इनरुवा–२ मा टोल कमिटि गठन गर्दै नेकपा एमालेलाई बलियो बनाउन युवाहरुको संलग्नता आवश्यक रहेकोले नेकपा एमालेको संगठनमा आवद्ध हुन उनले आग्रह गरेका थिए । नेकपा एमालेका अध्यक्ष केपी शर्मा ओलीबाट टिका लगाएर प्रवेश गरेका मेहताले अहिले आफ्नै गृह जिल्लाको इनरुवामा नेकपा एमालेको संगठन विस्तारसँगै युवाहरुलाई प्रवेश गराउन व्यस्त भएका छन् ।
नेकपा एमाले सुनसरीका सचिव पर्शुराम यादवको प्रमुख अथितिमा इनरुवा–२ का असलम खान र जहिर अलि नेकपा प्रवेश गरेका हुन् । नवप्रवेशीहरु खान र अलिलाई नेकपा एमाले सुनसरीका सचिव यादव, युवा नेता मनोज मेहता, इन्द्र पोखरेल, जितेन्द्र यादव, बाबुराम साह लगायतकाले फुलमाला र अबिर लगाएर नेकपा एमालेमा स्वागत गरेका थिए ।
इनरुवा नगरपालिकामा भ्रष्टचार रहित समाजको निर्माण आफु नेकपा एमालेमा प्रवेश गरेकोले आउँदो निर्वाचनबाट भ्रष्टहरुलाई हटाई नेकपा एमालेका उम्मेदवारहरुलाई जिताउन आवश्यक रहेको युवा नेता मेहताले बताए । सरकारले स्थानीय तहको निर्वाचन बैशाख ३० गते घोषणा गरेकोले नेकपा एमालेलाई जिताई लालकिल्ला गाड्न सबै एकजु्ट हुन आवश्यक रहेको उनले बताए ।