इनरुवा – विद्यार्थी र युवा जनशक्तिलाई सही मार्गनिर्देशन गर्ने उद्देश्यका साथ इनरुवा नगरपालिकाले दिगो तथा सम्मानित रोजगारीका लागि सीप परियोजना (इन्स्योर परियोजना २) करियर मार्गदर्शन (Career Guidance) कार्यक्रम सुरु गरेको छ। नगरपालिकाले यस कार्यक्रमका लागि २ लाख रुपैयाँ विनियोजन गरेको छ भने यसमा हेल्भेटास नेपाल अन्तर्गतको एन्स्योर (ENSSURE) परियोजनाले प्राविधिक सहयोग पुर्याइरहेको छ।
एन्स्योर परियोजना स्विजरल्याण्ड सरकार र नेपाल सरकारको संयुक्त लगानीमा सञ्चालित परियोजना हो। हेल्भेटास नेपालले यस परियोजना मार्फत स्थानीय तहहरूलाई प्राविधिक सहयोग उपलब्ध गराउँदै आएको छ। कोशी प्रदेशका १२ वटा स्थानीय तहमध्ये इनरुवा नगरपालिका पनि यस कार्यक्रम कार्यान्वयन गर्ने एक महत्वपूर्ण निकाय हो।
आज नगरपालिकामा आयोजित एक विशेष अभिमुखीकरण कार्यक्रमका बीच यस कार्यक्रमको औपचारिक सुरुवात गरियो। कार्यक्रमका मुख्य बुँदाहरू यस प्रकार छन्:
नेतृत्व र सहभागिता: इनरुवा नगरपालिकाका प्रमुख (मेयर) केदार भण्डारीको अध्यक्षतामा भएको उक्त कार्यक्रममा उपप्रमुख बिनिता मेहता (डेपुटी मेयर) को पनि विशेष उपस्थिति रहेको थियो।
विद्यालय छनोट: यस चरणमा इनरुवाका ४ वटा विद्यालयलाई कार्यक्रमका लागि छनोट गरिएको छ। जनता मा.वि, बालमन्दिर मा.वि, नेपाल रास्टृय हरि मा.वि र त्रिभुवन मा.वि कार्यक्रममा ती विद्यालयका प्रधानाध्यापक, करियर मार्गदर्शन शिक्षकहरुका साथ, वडा अध्यक्षहरू र विभागीय प्रमुखहरूको सहभागिता थियो। वृती मार्गनिर्देशन शिक्षकहरुले सात दिने प्रशिक्षक प्रसिक्षण तालिम लिएकाछन। यो तालिम वृतिमार्गनिर्देशन सेवा केन्द्रको समन्वयमा शिक्षा तालिम केन्द्रद्वारा भयेको हो।
सामग्री वितरण: विद्यार्थीहरूका लागि करियर मार्गदर्शन कार्यपुस्तिका र शिक्षकहरूका लागि आवश्यक सामग्रीहरू मेयर भण्डारी र एन्स्योर परियोजनाका कोशी प्रदेश प्रबन्धक विकास पन्थीले संयुक्त रूपमा हस्तान्तरण गर्नुभयो।
प्राविधिक प्रस्तुतीकरण: कार्यक्रममा प्राविधिक संयोजक प्रल्हाद प्रसाद सिंहले वृति मार्गदर्शनको आवश्यकता र कार्यान्वयन प्रक्रियाबारे प्रस्तुतीकरण दिनुभएको थियो। उहाँले नगरपालिकाले वृती मार्गनिर्देशनलाई स्थानिय पाठयक्रममा समहित गर्न पनि अनुरोध गरे साथै यसै पालिका द्वरा विध्यार्थी र बिध्यालयहरुको दिगोपनका निम्ति वृती मार्गनिर्देशन निर्देशिकालाई कार्यपालिका द्वारा पारित गर्नपर्ने अनुरोध गरे।
कार्यक्रममा मेयर र उपप्रमुखले विद्यार्थीहरूको भविष्यसँग जोडिएको यस कार्यक्रमका लागि आवश्यक बजेट सुनिश्चित गर्ने प्रतिबद्धता जनाउनुभयो। साथै, आगामी दिनमा पनि हेल्भेटास नेपालबाट निरन्तर प्राविधिक सहयोगको अपेक्षा राख्नुभयो।
“नगरपालिकाले आफ्ना विद्यार्थीहरूलाई सही वृती र पेशा सङै शैक्षिक बाटो रोज्न मद्दत पुगोस् भनेर यो लगानी गरेको हो,” मेयर भण्डारीले बताउनुभयो।
Discussion about this post