इनरुवा । विराटनगरका मासु व्यवसायीले खसीको मासुको मूल्य एकाएक प्रतिकिलो २०० रुपैयाँले बढाएका छन्। पुस ३० गते राति गरिएको निर्णय माघ १ गतेदेखि लागू भए पनि महानगरपालिकालाई भने एक हप्तापछि मात्रै जानकारी गराइएको थियो।
व्यवसायीका अनुसार महँगी, खसीको अभाव र भारतबाट आयातमा कडाइका कारण मूल्य बढाउनुपरेको हो। पहाडी जिल्लाबाट आउने खसीसमेत महँगो परेपछि प्रतिकिलो १,१०० बाट १,३०० रुपैयाँ पुर्याइएको उनीहरूको दाबी छ।
महानगरपालिकाले मूल्य निर्धारण प्रत्यक्ष अधिकारमा नपरे पनि गुणस्तर र अनुगमनको जिम्मा आफ्नो भएको बताउँदै सरोकारवालासँग छलफल गर्ने तयारी गरेको छ। कन्चनबारीलाई खसी मासुको ‘हब’ मानिने विराटनगरमा दैनिक करिब १०० वटा खसी काटिने संघको तथ्यांक छ। मासुको शुद्धतामाथि प्रश्न उठेपछि महानगरले निगरानी बढाएको जनाएको छ।
Discussion about this post