दिपेन्द्र यादव /इनरुवा । सुनसरीको भाेेक्राहा नरसिंह गाउँपालिकाले लक्षित वर्गका लागि सञ्चालन गरेको स्वास्थ्य बिमा कार्यक्रम प्रभावकारी बन्दै गएको छ।
गाउँपालिकाले सहिद तथा बेपत्ता परिवार, गरिब तथा विपन्न परिवार, ‘ख’ वर्गका अपाङ्गता भएका व्यक्ति, महिला स्वास्थ्य स्वयंसेविका र दीर्घरोग लागेका व्यक्तिलाई लक्षित गरी स्वास्थ्य बिमा कार्यक्रम सञ्चालन गरेको छ।गाउँपालिकाले हालसम्म (ख) वर्गका अपाङ्गता भएका दुई सय ५०, दीर्घरोगी ४०, सहिद तथा बेपत्ता परिवार ७१, महिला स्वास्थ्य स्वयंसेविका ७४ जना , वृद्धाश्रमका पाँचजना गरीब तथा विपन्न परिवारका सदस्यहरूलाई चालू आर्थिक वर्ष २०८०/८१ मा १२ सय जनाको स्वास्थ्य बिमा गरेको गाउँपालिका अध्यक्ष अजमल अख्तरदआजादले जानकारी दिए।स्वास्थ्य बिमा कार्यक्रम सुरु भएपछि उत्साहजनक रूपमा लक्षित वर्गभित्र पर्ने नागरिक बिमामा आबद्ध भएको गाउँपालिका अध्यक्ष आजाद बताउँछन्। उनले नागरिकको स्वास्थ्योपचारमा स्थानीय सरकारले आफ्नो नीति कार्यक्रमबाट समेत सहयोग गर्दै आएको बताए।स्वास्थ्य बिमा गर्दा नियमित रूपमा औषधि सेवन गर्नेुपर्ने तथा बिरामी भएको खण्डमा उपचार गर्न आउँदा एक लाख रुपैयाँसम्मको उपचार गर्न पाउने हुँदा कार्यक्रम प्रभावकारी बनेको गाउँपालिका कार्यालयका स्वास्थ्य बिमा कार्यक्रमका दर्ता सहयोगी असफाक अंसारी बताउँछन्। उनका अनुसार बिमा गर्न भ्याइनभ्याइ भएको छ।ऋण खोजेर भए पनि पैसा बोकेर अस्पताल जानुपर्छ भन्ने स्थानीय बासिन्दा अहिले बिमाको कार्ड बोकेर अस्पताल गए उपचार पाइन्छ भन्ने अवस्थामा पुगेको गाउँपालिका स्वास्थ्य संयोजक हिरा साहको अनुभव छ।गाउँपालिकाका नागरिकले अस्पतालमा प्रसूति सेवा लिन जाँदासमेत बिमा कार्ड अनिवार्य बोक्ने गरेका छन्। ‘सुत्केरी गराउन अस्पताल लगेको धेरै दिन अस्पताल राख्दा अलिक बढी खर्च होलाजस्तो भएको थियो। पछि बिमाको कार्ड देखाएपछि त्यसैले काम गर्याे’, भाेक्राहा नरसिंह गाउँपालिका वडा नम्बर ५ का कलावती उराँवले भने, “जम्मा तीन हजार पाँच सय तिरेर बिमा गरेको त्यो पनि हराउला भन्ने लाग्थ्यो, उपचारमा त निकै सहयोग पो हुँदो रहेछ त” बताइन् ।
Discussion about this post