इनरुवा । सुनसरीको भोक्राहा नरसिंह गाउँपालिकाका अध्यक्ष महेन्द प्रसाद यादवलाई कार्वाही माग गरेको छ ।
भोक्राहा नरसिंह गाउँपालिका ७ बस्ने रमेश कुमार यादवले आफू काम बिशेषले भोक्राहा नरसिंह गाउँपालिका कार्यालयमा गएको बेला गाउँपालिकाका अध्यक्ष महेन्द्र प्रसाद यादवले आफूलाई बिभिन्न गालीगलोज गर्दै दुरव्यहवार गरेको पिडित यादवले बताएका छन् ।
आफूमाथि कुनै व्यक्तिगत रिसिबी नभए पनि कालिमन्दिर निर्माणको बिषयमा कुरा गर्न लाग्दा अध्यक्ष यादवले जायलागेको पिडित रमेशको भनाई छ । काली मन्दिर निर्माण गर्नका लागि पहिले नै निर्माण समिति गठन भैसकेकोमा त्यसलाई गाउँपालिकाका अध्यक्ष यादव र वडा अध्यक्षको मिलोमतोमा बिघटन गरी आफ्नो अनुकुलको र समाजमा नराम्रो छवि भएका व्यक्तिलाई निर्माण समितिको अध्यक्षमा राखेको बिषयमा गाउँपालिका अध्यक्ष यादवसँग बुझ्न खोज्दा गाउँपालिकाका अध्यक्ष यादवले तथानाम गालीगलोज गर्नुुका साथै हातपात समेत गरेको पिडित रमेश यादव भनाई छ ।
गाउँपालिका अध्यक्ष यादवले हातपात गरेको बिषयमा पिडित रमेशले जिल्ला प्रहरी कार्यालय सुनसरीमा उजुरी दिने तयारी गरीरहेको छ । आफूमाथि हातपात गर्ने गाउँपालिकाका अध्यक्ष यादवलाई कडा कानुनी कार्वाही गर्नुपर्ने रमेशले माग गरेका छन् ।
यता गाउँपालिकाका अध्यक्ष महेन्द्र प्रसाद यादवले रमेश कुमार यादव भन्ने व्यक्ति आफ्नो कार्यकक्षमा आए पनि आफूले रमेशमाथि कुनै किसिमको दुव्र्यहवार नगरेको प्रतिक्रिया दिए ।
गाउँपालिका सबैको साझा थलो हो र अध्यक्ष पनि सबैका साझा प्रतिनिधि हुन भन्दै अध्यक्षद्धारा पहिल्यै कुराकानी गर्ने तय भएको विषयमा आफैले छलफल गर्न बोलाई कार्यकक्षमा जाँदा झुठा आरोप लगाई दुव्र्यहवारको घटना प्रति घोर आपत्ति जनाउँदै त्यहाँका युवाहरुले गाउँपालिका कार्यालयमा तालाबन्दी गर्ने समेत तयारी गरिरहेको बुझिईएको छ ।
Discussion about this post