इटहरी । विद्युत प्राधिकरण इटहरीले आफ्नो थ्री फेज मिटर भएको ग्राहकलाई स्मार्ट बनाउने काम धमाधम अगाडी बढाएको छ । औद्योगिक र व्यवसायिक प्रयोजनमा थ्री फेज लाइन जोडेका ग्राहकको मिटर प्राधिकरणले स्मार्ट बनाउने काम तिब्र गतिमा अगाडी बढाएको हो ।
सबै थ्री फेज मिटरलाई स्मार्टमा रुपान्तरण गर्न काम सुरु भइसेकेको विद्युत प्राधिकरण इटहरीले जनाएको छ । हाल प्राधिकरणका मिटरहरु स्मार्ट नहुँदा समय–समयमा उद्योगीरव्यापारी र प्राधिकरणबीच महसुल विवाद उत्पन्न हुने गरेको छ । प्राधिकरणले खपतका आधारमा बिजुलीको बिल काट्ने गरेको दावी गरे पनि व्यवसायीहरुले अन्याय हुने गरी ‘बिलिङ’ भएको आरोप लगाउने गरेका थिए । अव त्यो विवाद हट्ने छ ।
अब कुन उद्योगले कुन समयमा कति परिमाणमा विजुली खपत र्गयो भन्ने सम्पूर्ण तथ्यांक रहने गरी स्मार्ट मिटर जोड्ने काम भईरहेको विद्युत प्राधिकरण इटहरीका प्रमुख सुरेन्द्रकुमार साहले बताए । इटहरीमा अहिले ९ सय ग्राहकको थ्री फेस मिटरलाई स्मार्ट मिटर बनाईसकेको बताउँछन । इटहरी प्राधिकरणको करीब १२ सय थ्री फेस लाईन ग्राहक मध्ये ९ सय ग्राहकको स्मार्ट मिटर जडान गरिसकेका छौ साहले भने ।
स्मार्ट मिटर प्रयोगमा आएपछि विजुली चुहावट घट्ने र बक्यौता पनि नरहने प्रमुख साह बताउँछन । ग्राहकलाई स्तरिय सेवा उपलब्ध गराउने गरी प्राधिकरणले कार्यालयबाटै मिटर रिडिङ गर्न सक्ने प्रविधियुक्त स्मार्ट मिटर जडानको काम अघि बढाएको हो । ६० दिन सम्म विद्युत महसुल नतिरे स्मार्ट मिटरले आफै लाईन काट्ने र पैसा तिरे पछि आफै लाईन सुचारु हुने छ ।
स्मार्ट मिटर जडान गरेपछि रेडियो फ्रिक्वेन्सीकै सहायताले प्राधिकरणले ग्राहकको घरको मिटरको बिल मापन गर्नसक्छ । एपमार्फत ग्राहकले विद्युत सम्बन्धी विवरणसमेत पाउन सक्नेछन ।स्मार्ट मिटर प्रयोगमा आएपछि विजुली चुहावट रोकिने र बक्यौता रहदैन विद्युत प्राधिकरण इटहरीका सुपरभाईजर रितेश झाले भन्छन् । हामी सबै मिटरहरुलाई डिजिटल बनाउने अभियानमा लागेका छौ झा भन्छन् ।
करोडौ बक्यौता उठ्न बाँकी
विद्युत प्राधिकरण इटहरीले ग्राहकहरुबाट करोडौ रुपैयाँ विद्युत महसुल उठाउन बाँकी छ । प्राधिकरणले अहिले सम्म ९ करोड ४० लाख रुपैयाँ बक्यौता उठाउँन बाँकी रहेको विद्युत प्राधिकरण इटहरीले जनाएको छ । प्राधिकरणलाई समयमै पैसा नतिर्नेमा सरकारी कार्यलय देखि उद्योगी ब्यापारी सर्वसाधरण सम्मले महसुल बुझाएको छैनन ।
इटहरी प्राधिकरणमा लामो समय देखि बक्यौता बढ्दै गएको भन्दै तत्काल विद्युत महसुल बुझाउन उर्दि जारी गरेको छ । लकडाउनको समयमा धेरै ग्राहकले शुल्क नबुझाउदा बक्यौता बढेको प्राधिकरणले जनाएको छ । प्राधिकरणले ताकेता गर्दा समेत विद्युत महसुल नबुझाएको भन्दै बक्यौता उठाउँन ताकेता गर्ने थालेको प्राधिकरण इटहरीका प्रमुख सुरेन्द्रकुमार साहले बताए ।
के हो स्मार्ट मिटर ?
स्मार्ट मिटर भनेको एक प्रकारको विद्युतीय उपकरण हो । यो उपकरण टु वे कम्यूनिकेसन अर्थात दोहोरो सञ्चार प्रणालीमा आधारित हुन्छ ।
ग्राहकले खपत गरेको बिजुलीको तथ्यांक ‘डाटा सेन्टर’मा हरेक पलमा आउने र त्यसको बिलिङ लगातार भइराखेर ग्राहकसम्म पठाउने गरी यो प्रणालीमा जडान हुन्छ । यस्तो डाटा रेडियो फ्रिक्वेन्सीमा आधारित भएर सञ्चार गरिन्छ ।
प्राधिकरणको केन्द्रीय प्रणालीले हर समयमा त्यस्ता स्मार्ट मिटरको मनिटरिङ गरिरहेको हुन्छ । उपभोक्ताले विल तिरेकोरनतिरेको पनि प्राधिकरणले कम्प्युटरमै बसेर हेर्न सक्छ । यस्तो मिटर जडान गरेपछि उपभोक्ता र प्राधिकरण दुवैलाई सजिलो हुनेछ । स्मार्ट मिटर डिजिटल डिस्प्लेयुक्त हुने भएकाले उपभोक्ताले विना झन्झट विजुली खपतका तथ्यांक हेर्न सक्छन ।
स्मार्ट मिटरिङ लागू भएपछि विद्युत प्राधिकरणमा बिजुली खपतको तथ्यांक ‘रियल टाइम’ मा आउँछ । उपाभोक्ताले पनि दैनिक आफ्नो बिल कति उठिरहेको छ भनेर मिटरमै हेर्न सक्छन । दैनिक कति बिजुली उपयोग भइरहेको छ भन्ने विवरण प्राधिकरणमा पनि आउँछ भने उपभोक्ताले मिटर हेरेरै जानकारी लिन सक्छन।
Discussion about this post