लोकप्रीय बन्दै इनरुवाका पत्रकार इकवालको दावेदारी

इनरुवा । नेपाल पत्रकार महासंघ सुनसरीको आसन्न निर्वाचनमा अध्यक्ष पदका लागि इनरुवाका लगनशिल युवा पत्रकार इकवाल अहमदको दावेदारीले तहल्का मचाएको छ ।
नेपाल पत्रकार महासंघ सुनसरीको आसन्न निर्वाचनमा अध्यक्षको दावेदारी प्रस्तुत गर्ने बताइएको हो ।
दुई दशक देखि सुनसरीमा पत्रकारिता गर्दै आएका इनरुवाका युवा पत्रकार इकवाल अहमदले आसन्न महाधिवेशनमा अध्यक्षको उम्मेद्वारी दिने निश्चय छ । उनी युनियनबाट अध्यक्षका सर्वाधिक निश्चित भएका उम्मेदवार हुन् ।

जिल्ला सदरमुकाम इनरुवालाई मुख्य केन्द्र बिन्दु बनाएर पत्रकारीतालाई मुख्य पेशा बनाएको अहमद पछिल्लो समय युवा माथ लोकप्रीय बन्दै गएको छ ।
इनरुवाका पत्रकार इकवालले जिल्लाका सबै पत्रकारको सुख दुखमा साथ दिने पत्रकार मध्ये एक युवा पत्रकार हो ।
पत्रकार अहमदलाई यसपटक सुनसरी महासंघको नेतृत्वमा पु¥याउन जिल्लाभरका पत्रकारहरु सक्रिय रहेको बताएको छ । सत्तारुढ नेपाल कम्युनिस्ट पार्टी फुटिसकेको अवस्थामा नेकपासम्बद्ध प्रेस सेन्टर समेत विभाजित हुने क्रममा छ । जसको प्रत्यक्ष फाइदा नेपाल प्रेस युनियनलाई हुने देखिएको छ ।

त्यसो त पछिल्लो समय नेपाल प्रेस युनियन सुनसरीले देशभरकै उत्कृष्ठ काम गरेको छ । यता प्रेस युनियन सुनसरीका अध्यक्ष पवन अधिकारीले जिल्लाभरका पत्रकारहरुलाई कोरोना बिमा, कोरोना राहत वितरण, दुर्घटना बिमा जस्ता लोकप्रिय काम गरेकाले पनि जिल्लाका पत्रकार माझ युनियनको लोकप्रियता बढ्दो छ ।

यता महासंघको अध्यक्षमा उम्मेदवारी दिने मनस्थिति बनाएका इकवाल भने संगठनको निर्णय कुरेर बसेको बताए । नेपाल प्रेस युनियनले महासंघको आसन्न निर्वाचनमा आधिकारिक घोषणा गरेर आफूलाई पठाए कुनै पनि परिस्थितिमा पछि नहट्ने इकवालको भनाइ छ । ‘महासंघलाई रुपान्तरण, प्रजातान्त्रिकरण गर्न पनि युनियनको नेतृत्व आवश्यक छ । मैले विगत वर्षहरुदेखि नै एकपल्ट महासंघमा रहेर काम गर्ने योजना बनाएको हो, युनियनले आधिकारिक रुपमा निर्णय गरे पछि हट्ने छैन,’ इकवालले भने ।

इकवाल हाल नेपाल पत्रकार महासंघ प्रदेश १ का सदस्य रहेका छन् । प्रेस युनियनका केन्द्रीय सदस्य भइसकेका छन् । उनी सुनसरीको सदरमुकाम इनरुवाबाट प्रकाशित हुने प्रतीक्षण दैनिक पत्रिकाको प्रकाशक तथा सम्पादक र एडभान्स एफएमका स्टेशन मनेजर समेतको जिम्मेवारी सम्हालेका हुन् । नेपाल पत्रकार महासंघ सुनसरीको आसन्न निर्वाचनमा प्रेस सेन्टरबाट वर्तमान उपाध्यक्ष सन्तोष काफ्ले, पूर्वउपाध्यक्ष जनकऋषि राईलगायत आधा दर्जन अध्यक्षका आकांक्षी रहेका छन् ।