सिंचाईमा माफिया उपभोक्ताको हावी

इनरुवा । सुनसरीमा सिंचाईको नाममा माफियाहरुको चलखेल हावी भएको पाइएको छ ।

सुनसरी मोरंग सिंचाई आयोजनाको नहरमा पानी नदिई किसानलाई दुख दिएको समाचार बाहिरिएपछि त्यसमा जल उपभोक्ता महासंघको नाममा माफियाहरु हावी भएको रह्ष्य खुलेको छ ।

जल उपभोक्ता महासंघको नाममा महासंघको केन्द्रिय अध्यक्ष रामप्रसाद मेहताले आफ्नो व्यक्तिगत स्वार्थ पूर्तिका लागि लाखौँ किसानहरुलाई मार्का पर्ने गरी एकलौटी रुपमा नहर बन्द गरेपछि उनको नजायज कर्तुत बाहिर आएको हो ।

मेहताले दुई दशकदेखी नहरको राजनीतिमा सकृय रहदैँ लाखपतिबाट करोडपति बनेको बनेको बेला अझैँ नपुगेर किसानको पीरमार्का नबुझी आयोजनाको कार्यालय बिराटनगरलाई समेत गुम्राहामा पारी मकैँ, सुर्यमुखी, जुट र तरकारी बालीका किसानलाई मार्का पार्नेगरी सिजनमै नहर बन्द गरेपछि किसान आक्रोशित बनेका छन् ।

मेहताले सुरुमा पञ्चायतको मन्त्र जपेर पद र पहूँचमा पुगेर साझा कामको नाममा व्यक्तिगत स्वार्र्थ पूर्तिमा लिप्त बनेको आरोप सेलाउन नपाउदैँ नेपाली कांग्रेसको सरणमा पुगेर सिंचाईको उपभोक्ता महासंघमा पक्कड जमाउन सफल भएको र हाल २०७४ सालको प्रतिनिधि सभाको निर्वाचनमा कांग्रेसबाट टिकट नपाएपछि एमाले गएका थिए ।

उनले आफ्नो राजनीति देश र जनताको नाममा केन्द्रित रह्ने दाबी गरेपनि पद , पैसा र व्यक्तिगत स्वार्थमा लिप्त भएर काम गरेको आफ्नो असली चरित्र प्रदर्शन गरेको छ ।

मेहता हेर्दा सिधा सोझो र सरल स्वभावको भएपनि आर्थिक रुपमा आफुलाई फाइदा हुने काममा जस्तो सुकै तल्लो स्तरको व्यावहार प्रदर्शन गर्न पछि नहट्ने चरित्रका रहेको उनी निकट पूर्व सहकर्मी एक नेताले बताएको छ ।

कांग्रेसमा रह्दा ठुलाबडा नेतालाई जी, हजुर र हाजिरी गरेर पद जोगाई राखेको जल उपभोक्ता महासंघलाई एमालेमा प्रवेश गर्दा समेत सोही चरित्र दोहोराएर महासंघलाई कमाई खाने भाडोँको रुपमा लिएकाले किसानहरु असन्तुष्ट भएको ती नेताको भनाई रहेको छ ।

मेहताले आफ्नो कमाई खाने भाडोको रुपमा जल उपभोक्ता महासंघलाई लिदाँ लाखौँ किसानहरु वर्षैदेखी मारमा पर्दै आएको इनरुवा वार्ड नं. ६ मधेशाका किसान सत्यनारायण यादवले गुनासो गरे ।

यादवले महासंघका अध्यक्ष रामप्रसाद भन्ने व्यक्ति किसान र पार्टीलाई समेत ठगेर चिरोबाट हिरो भएको दाबी गरे ।

उनले मेहता दशको सम्म कोठे र कागजी रुपमा महासंघको विभिन्न ठाउँमा नेतृत्व गर्दै आएको बेला किसान नहर र पानीको भन्दा आफ्नो व्यक्तिगत स्वार्थ परिवार र सिमित पात्रको लागि मात्रै गरेको आरोप लगाए ।

मेहताले किसानलाई आवश्यक पर्ने बेलामा पानी नदिने, आवश्यक नभएको बेलामा पानी दिएर डुवान गराउने किसानलाई क्षति गर्ने दुख दिने र फेरी सोही नाममा मर्मत संभार गर्ने र सरकारी बजेट दोहन गरेर कमाउने गरेको तथ्य समेत फेला परेको छ ।

मेहताले शंकरपुर शाखा नहर अन्तरगत आवश्यक पर्ने ठाउँमा मर्मत संभार नगरी आफ्नै तरिकाले ठाउँ ठाउँमा कृतिम रुपमा नहर क्षति गरी मर्मत गर्ने र लाखौँ रुपैँया अनियमितता गरेको गौतमपुर क्षेत्रका किसानहरुले दाबी गरेका छन् ।

एक किसानका अनुसार मेहताले पार्टी परिवर्तन गरेपनि गलत धन्दालाई भने कुनै परिवर्तन नगरेको कारण किसानहरुले समस्या झेल्नु परेको छ ।

किसान गोविन्द पोखरेलका अनुसार सुनसरी मोरंग सिंचाई आयोजनाका निर्देशक देखी कर्मचारी सम्मलाई कमिसनको प्रलोभनमा पारी मर्मत संभारदेखी निर्माण सम्म र सरसफाई देखी कुलो कलभर्ट सम्मको काम लिने गरेको मेहताले छोटो समयमा अनियमितताबाटै करोडपति बनेको हो ।

मेहता आफ्नो व्यक्तिगत स्वार्थका लागि धान रोपाईको सिजनमा सफाईको काम गर्ने, मकैको सिजनमा टालटुल सहित कर्भट निर्माण गर्ने र गाहुँको सिजनमा सर्वेको नाममा पानी नदिने गरी अन्याँय गर्ने गरेको पोखरेलको गुनासो छ ।

मेहताले स्वार्थकै कारण नहरको अतिक्रमण हटाउन ध्यान नदिएको , अनावश्यक ठाउँमा काम गरेको फेला परेको छ ।

एक सातायाता इनरुवामा सिंचाईको माग गर्दै आन्दोलन चर्केकोले उनीहरुको फटाही अनुगमन गर्ने क्रममा अनावश्यक ठाउँमा काम गरेको फेला परेको छ ।

मेहताले इनरुवा नगरपालिका वार्ड नं. ९ बवियाको शर्मा टोल र यादव टोल बीचको बविया जल्पापुर खण्डमा प्लाष्टरको काम विशुद्ध अनिमियतता र भ्रष्ट्रचार गर्ने नियतबाट गरेको फेला परेको हो ।

साविक बविया ६ र ४ को बीचमा कुनै क्षति नै नभएको नहरमा प्लाष्टरको काम गरेको फेला परेपछि मेहताको अनियमित नियत प्रष्ट भएको हो ।

यसअघि मेहताले इनरुवा २ को घिनाई मरिकको घर अगाडी पुलमा मर्मतको काम गरेको महिना नबित्दैँ भत्किएको र दश लाख रुपैँया सोही मर्मतको नाममा अनियमितता गरेका थिए ।

त्यसपछि बन्दाबन्दीको बीचमा फेरी भएकै ठाउँमा काम गरेर अनयमितता गरेको मेहता विरुद्धको आरोप सेलाउन नपाउँदै अर्को अनियमितताको कार्यमा मेहता लिप्त बनेको र किसानलाई धोका दिएको इनरुवाका किसान सदानन्द यादवले गुनासो गरे ।

मेहताले शंकरपुर शाखा नहरको रामधुनी देखी देवानगञ्ज सम्मद दर्जनौँ पटक मर्मत संभारको काम र सरसफाईको काम गरेपनि दश वर्ष देखी गौतमपुर दक्षिण तर्फ पानी सिजनमा नपुगेको र वर्षाको बेला बाढी जाने गरी पानी पठाउने गरेको स्थानीय किसान बविता मेहताले गुनासो गरिन् ।

किसान सोमथान खतिवडाले सिजनमा पानी नदिने सिंचाईका कर्मचारी र महासंघका मेहतालाई कारवाहीको दायरामा ल्याउन माग गरेको छ ।

अर्का किसान केदार दाहालले किसानले चाहिएको बेला पानी नदिने र नचाहिएको बेला अनावश्यक पानी दिएर डुवान गराउने कार्य गर्ने कर्मचारी र उपभोक्ता समितिलाई कारवाही गर्नु पर्ने माग गरेका छन् ।

किसान थिर प्रसाद भट्टराईले किसानलाई वेवास्ता गर्ने महासंघलाई समेत कारवाहीको दायरामा ल्याउनु पर्ने माग गरे ।

यसैबीच मेहताको एकल कमाउँ धन्दाले किसानलाई क्षति पुगेको भन्दैँ सिंचाईको नाममा भएको भ्रष्ट्राचार र अनियमितताको छानविन गर्र्नुपर्ने , बिना सूचना नहर बन्द गर्नेहरुलाई पहिचान गरी कारवाही गर्नुपर्ने र तत्काल नहरमा पानी दिनुपर्ने माग गर्दै चैत्र १२ गते जिल्ला प्रशासन कार्यालय इनरुवा, सुनसरीमा ज्ञापन पत्र बुझाएको छ ।