वर्षा नहुँदा जताततै धुलो र धुवाँले आक्रान्त बन्दैँ

विराटनगर । विराटनगर खडेरीको मारमा परेको छ । छ महिनाभन्दा अघिदेखि पानी नपरेका कारण खडेरीको मारमा परेको हो ।

हिउँदे वर्षा नहुँदा जताततै धुलो र धुवाँ उडिरहेको छ । भारतको जोगबनी र सुनसरी तथा मोरङका केही स्थानीय तहले विराटनगरको सिमाना छुट्याएका छन् । विराटनगर वरपर वर्षा भए विराटनगरमा भने पानी परेको छैन । आसपासका स्थानमा यस अघि हावाहुरी, चट्याङ र असिनासहित यसअघि पानी परेको थियो ।

जनघनत्व धेरै रहेको विराटनगरमा भने वर्षा नभएकाले धुलो र धुवाँको प्रभाव बढी हुँदा जनजीवनमा नराम्ररी असर परिरहेको वातावणविद्हरुले बताएका छन् । जल तथा मौसम फिल्ड कार्यालय विराटनगरका अनुसार गत असोज ८ गते अन्तिम पटक एक सय २५ मिलिलिटर वर्षा भएको थियो । धान रोप्ने समयमा भने मज्जाले वर्षा भयो । असोज ८ पछि भने यसवर्ष अहिलेसम्म प्रभावकारी वर्षा हुन नसकेको कार्यालयका मौसमविद् सुशील चौधरीले बताए । उनका अनुसार त्यसयता तीन पटकसम्म सामान्य हिसाबको हल्का वर्षा भए पनि प्रभाव शून्य रहयो ।

विराटनगरमा गत पुस १६ गते २।८, २० गते ४।८ र फागुन १४ गते ११।८ मिलिलिटर वर्षा भएको चौधरीले बताए । असोज पहिलो सातायता ठूलो वर्षा हुन सकेको छैन ।

विराटनगर महानगरपालिका–५ का स्थानीय शम्भु कार्कीले लामो समयदेखि जमिनको धुलो मर्ने पानी पनि नपरेको बताए । कार्कीका अनुसार वर्षा नहुँदा जताततै धुलो र धुवाँले आक्रान्त बनाएको छ । वर्षा नहुँदा खेतिकिसानी गरेर जीविका चलाउनेहरु ठूलो मारमा परेको स्थानीय कृषक सत्रुधन महतोले बताए ।

वातावरणविद् रामचन्द्र अधिकारी यसवर्ष मुलुकभर नै हिउँदे वर्षा कम भए पनि विराटनगर सबैभन्दा बढी प्रभावित बनेको बताउँछन् । उनका अनुसार चक्रिय वायुप्रणाली अन्तर्गत जेठदेखि असोजसम्ममा ८० प्रतिशत वर्षा हुनुपर्छ ।

वर्षा नभएकाले हुस्सु लागेका समयमा घुलेर वायुमण्डलमा रहेका धुलोका कणहरु जमिनको सहतमा आउँदा वायु प्रदूषण बढ्दै गएको उनको भनाइ छ । जलवायु परिवर्तनको प्रभावले गर्दा पानी नै पर्न मुस्किल परिरहेको उनको बुझाइ छ ।

आवश्यक मात्रामा पानी नपर्दा हावामा धुलोका कण धेरै मात्रामा जम्मा भएकाले वायु प्रदूषण निम्तिन थालेको अधिकारीले बताए । ‘पानी नपर्दा सबै वनस्पतिको जीवन प्रणालीमा असर गरिरहेको छ,’ वातावरणविद् अधिकारी भन्छन्, ‘जमिन मुनिको भूमिगत पानीको मुहान पनि सुक्न थालेका छन् ।’

यसअघि काठमाडौंमा प्रदूषण अति खतरनाक विन्दुमा पुगेका बेला गत पुसमा महानगरभित्रको प्रदूषणको अवस्था खतराको तह ९रेड जोन० मा पुगेको थियो ।

प्रदूषण बढेमा स्वास्थ्यका दृष्टिकोणले अतिनै जोखिम र हानिकारक हुने कोसी अस्पताल विराटनगरका मेडिकल सुपरिटेन्डेन्ट डा। चुमनलाल दासले बताए ।