इनरुवा । छिमेकी मुलुक भारत बिहारका भोजपुरी फिल्मका सुपरस्टार कलाकार खेसारीलाल यादवले विराटनगरमा संचारकर्मीहरुसँग कुराकानी गर्दै सुनसरी प्रशासनले कुनै किसिमको कमजोरी नरहेको बताएका छन् ।
प्रदेश नं.१ स्थित सुनसरी जिल्लाको बर्जु गाउँपालिका–६ मा रहेको बर्जु तालमा आयोजित बर्जु महोत्सवका लागि आएका भारत बिहारका कालकार खेसारीलालले संचारकर्मीसँग गरेको कुराकानीमा सुनसरी प्रशासनको कुनै कमजोरी नरहेको बताइएकाे हाे । 
बर्जु गाँउपालिका वडा नं ६ को बर्जु तालको खेल मैदानको प्राङगणमा मिति २०७८/०९/२३ गते देखी २०७८/१०/०४ गते सम्म बर्जु सामुदायिक विकास केन्द्रकाे आयाेजनामा बर्जु महोत्सव सञ्चालन गर्नका लागि जिल्ला प्रशासन कार्यालय सुनसरीको चलानी नं. १०९ काे पत्रमा बर्जु गाउँपालिकालाई महाेत्सव राेक्न जानकारी गराएको थियाे ।
जिल्ला प्रशासन कार्यालय सुनसरीले बर्जु सामुदायिक विकास केन्द्रलाई महाेत्सव सञ्चालन गर्न मिति २०७८।०९।२३ बाट अनुमति दिइएकोमा हाल बढ्दै क्रममा रहेको कोडिभ- १९ संक्रमण सम्बन्धी प्रशासन कार्यालयमा मिति २०७८।०९।२७ मा बसेको DCMC को बैठकको निर्णय र आदेश कार्यान्वयनमा रहेकोले उक्त अनुमति गत २ गतेदेखि खारेज गरिएको व्यहोरा निर्णयानुसार बर्जु गाउँपालिकालाई अनुरोध गरेपनि अटेर गरेको बुझिएको छ ।
उता भारतीय कलाकार यादवका अनुसार सुनसरी प्रशासनले महाेत्सव संचालनमा रोक लगाएको जानकारी आफुहरुलाई नदिएकोले आफुहरूलाई समेत गुम्राहामा पारेको हुदाँ आयोजकले क्षति बेहोर्नुपर्ने बताए । 
भारतीय सुपर स्टार कलाकार कलाकार यादवको भनाइअनुसार आयोजक समितिका अध्यक्ष श्रवण चौधरीले समेत आफुहरुलाई भेटन नआएको गुनासो व्यक्त गर्दै घटनाप्रति दुःख व्यक्त गरेका छन् ।
उनले भने बर्जु महोत्सवमा जनतासँग टिकट बिक्री गरेको हुनाले आक्रोसित जनताले तोडफोड गरेको उनले बताए । सुनसरी प्रशासनले रोक लगाएपछि कार्यक्रम स्थगित गर्नुपर्ने उनले तर्क गर्दै जनता र आफुहरुलाई गुमराहमा पारेको बताए । आयोजक समितिले आफुलाई जानकारी गरेको भए फेसबुक लाइभ आएर कार्यक्रम स्थगित भएको घोषणा गर्थे उनले भने ।
जनता र सुनसरी प्रशासनको कुनै दोष नरहेको उनले स्पष्ट पार्दै सरासरी दोष आयोजकको रहेको यादवको भनाई छ । भारतीय स्कारपियो ४ वटा जलेर नष्ट भएको र स्टेजमा रहेको सम्पुर्ण समानहरु तोडफोड गरेको हुदाँ आयोजकले तिर्नुपर्ने उनले बताए । तेस्रो चरणको कोरोनाको लहर दिनप्रतिदिन बढ्दै गएको हुदाँ सुनसरी प्रशासनको आदेशलाई अटेर गर्दै आयोजकले बर्जु महोत्सवलाई नरोकी संचालन गरेको हुदाँ सर्वसाधारणहरुले तोडफोड र आगजानी गरेको बताए ।
जनताको लागि मंगलवार बिहान बिराटनगर आइपुगेकोले आफुको कुनै दोष नरहेको स्पष्ट पारे । 
यता पुस २ गते सुनसरीका प्रमुख जिल्ला अधिकारी इन्द्रदेव यादवले बर्जु महोत्सव संचालन नगर्न लिखित आदेश गरेको थियो । बर्जु महोत्सवको लागि पुस २३ गतेदेखी अनुमति दिएको बताउँदै उनले पुस २५ गते सीसीएमसीको बैठकबाट कोरोना प्रोटोकल सिफारिस भएको बताए ।
प्रजिअ यादव प्रदेशप्वाइन्ट डटकमसँग कुराकानी गर्दै पुस २६ गते गृह मन्त्रालयबाट निर्देशन प्राप्त भएपछि पुस २७ गते डीसीएमसीको बैठकबाट निर्णय र आदेश सार्वजनिक गरेको बताए । उनले पुस २८ गते सबै स्थानीय तहहरुलाई पुनः निर्णय कार्यान्वयनका लागि पत्राचार गरेको बताए । कोरोनाको महामारीमा बर्जु महोत्सवलाई रोकनुपर्ने स्थानीयहरुको गुनासोलाई मध्यनजर गर्दै पुनः पुस २ गते स्थगित गर्न आदेश दिएको थियोे ।
गाउँपालिका अध्यक्षको दम्भको कारण भयो घटना ?
बर्जू गाउँपालिकाका अध्यक्ष रघुनन्दन चौधरीले महोत्सव आयोजनाको विषयमा प्रशासनको आदेशलाई अवज्ञा गर्दा यस्तो स्थिति भएको बताइएको छ । कोरोना संक्रमण बढेको भन्दै जिल्ला प्रशासन कार्यालय सुनसरीले माघ २ गते पूर्न महोत्सव बन्द गर्न अर्को परिपत्र गरेको थियो । तर अध्यक्ष चौधरीले ‘स्थानीय सरकार आफु भएको र मेरो गाउँपालिकामा भएको कार्यक्रम रोक्ने अधिकार कसैलाई नभएको’ भन्दै प्रमुख जिल्ला अधिकारी इन्द्रदेव यादवसँग विवाद गरेको स्रोतको दाबी छ । 
सोमबार दिउसो मात्र पनि सिडियो साँवले केही राजनीतिक दलका नेता बिच भएको छलफलमा बर्जू गाउँपालिकाका अध्यक्ष चौधरीले ‘मेरो राज्यमा कसैको आदेश चल्दैन’ भन्ने गैर जिम्मेबारी अभिव्यक्ति बोलेका थिए । 
‘सिडियो साँवले मङ्गलबारको महोत्सव रोकौ भनेर धेरै पटक आग्रह गर्नुभयो’ छलफलमा सहभागी एक नेताले भने :‘तर अध्यक्षको बोली व्यवहार अत्यन्त रुखो थियो ।’
कलाकार खेसरीलाललाई प्रशासनले जसरी पनि रोक्ने अडान लिएपछि अध्यक्ष चौधरी ‘रोकेर देखाउनु’ भन्दै छलफलबाट बाहिरिएको ति नेताको भनाई छ ।
Discussion about this post