इनरुवा । सुनसरीको भोक्राहा नरसिंह गाउँपालिकामा सुरक्षित आप्रवासन सम्बन्धि स्थानीय जनप्रतिनिधहरुसँगको अन्तरक्रिया कार्यक्रम सम्पन्न भएको छ ।
भोक्राहा नरसिंह गाउँपालिकाको अध्यक्ष महेन्द्र प्रसाद यादवको प्रमुख आथितिमा स्थानीय जनप्रतिनिधहरुसँगको अन्तरक्रिया कार्यक्रम सम्पन्न भएको हो ।
सो अन्तरक्रिया कार्यक्रममा नेपालमा रोजगारी नपाएर रोजगारीको खोजीमा बैदेशिक रोजगारीमा जाने युवाहरुको क्रम बढ्दैँ गएपछि उनीहरुको सुरक्षाको सुरक्षाको सबाल सहित स्थानीय जनप्रतिनिधहरुलाई अन्तरक्रिया कार्यक्रम जानकारी दिइएको सामी परियोजनाका सुनसरी जिल्ला कार्यक्रम संयोजक धिरज भट्टराईले जानकारी दिए ।
जिल्ला कार्यक्रम संयोजक भट्टराईका अनुसार नेपालबाट बैदेशिक रोजगारीमा गएका कामदारहरुको बिदेशमा गएर अलपत्र परेका नेपाली कामदारको अवस्थाको विषयमा सुरक्षित आप्रवास (सामी) परियोजनाले भोक्राहा नरसिंह गाउँपालिकाका स्थानीय जनप्रतिनिधिहरुलाई अन्तक्रिया कार्यक्रममा जानकारी दिएको बताए ।
उनले आम नागरिकलाई बैदेशिक रोजगारीमा जानूपर्ने नेपाली नागरिकको वाध्यता सरकारले बैदेशिक रोजगारमा लागु गरेको नीति बैदेशिक रोजगार विभाग बैदेशिक रोजगार प्रर्वद्धन बोर्डको नीति एवम् कार्यन्वयनको विषयमा समेत प्रष्ट पारेको बताए ।
यता नेपालबाट जतिपनि कामदार बिदेश जान्छन् उनिहरु खाडी मुलुकमा भोकभोकै दिनरात अलपत्र पर्दा बिदेश जाने जनताको सवालमा राम्रो नीति नियम नबन्दा बैदेशिक रोजगारमा गएका नेपाली थप पीडामा पर्ने गरेको जिल्ला कार्यक्रम अधिकृत देवनारायण चौधरीले बताए ।
सरकारले जति नीति बनाए पनि हजारौँ खाडि मुलुक पसेका नेपाली दाजुभाई दिदीबहिनीको समस्या अझै उस्तै देखिएको छ ।
उनले भने ‘खाडी मुलुकमा रोजगारमा गएको कामदारले नेपालमा मेनपावर कम्पनीले भने भन्दा फरक काम गर्नु पर्छ । कतिपय कम्पनीले राम्रो काम पर्छ भन्दै मोटो रकम असुलेर अलपत्र परिदिएका छन् ।’ बैदेशिक रोजगारीमा जुनसुकै देश जानु अगाडि सबै कानुनी बाटो कामकार्य अपनाउनु पर्नेमा सुझाव दिएको थियो ।
अन्तरक्रिया कार्यक्रममा कार्यक्रम अधिकृत चौधरीले भने सामुदायीक विकास संस्था सिडियो सुनसरी सहकार्यमा इनरुवा नगरपालिका र भोक्राहा नरसिंह गाउँपालिका सञ्चालित सुरक्षित आप्रवासन सामी परियोजनाले बैदेशिक रोजगारमा जाने सबै नागरिकलाई सकेसम्म विदेश नगइ स्वेदेशमै आत्मनिर्भर बन्न सल्लाह दिने गरेको बताए ।
त्यस्तै सामी परियोजनाले विदेश जान खोज्नेलाई बैदेशिक रोजगार सम्बन्धी विभिन्न सीपमुलक तालिम दिने गरेको जानकारी समेत स्थानीय जनप्रतिनिधिहरुलाई अन्तरक्रिया जानकारी गराएका छन् । उनले भने– सामी परियोजनाले वैदेशिक रोजगारमा जाँदा कानुनी समस्यामा परेकालाई कानुनी सेवा सूचनाको पहुँच सामीले दिने तालिममा दक्ष गराउने कार्यमा सहयोग समेत गर्दै आएको बताए ।
उता कार्यक्रममा प्रमुख अथिति एंव गाउँपालिका अध्यक्ष महेन्द्र प्रसाद यादवले भने स्वदेशमा नै रोजगारी , बैदेशिक रोजगारीमा जाने नै भए सहि सुचना लिएर मात्र विदेश जानका लागि पहल आवश्यक रहेको बताए ।
Discussion about this post