वीरगञ्ज। भोजपुरी कलाकार खेसारीलाल यादवमाथि रौतहटमा पुनः ढुङ्गा प्रहार भएको छ । रौतहटको मौलापुर नगरपालिका वडा नम्बर ५ पतौरास्थित महादेव मन्दिरमा महाशिवरात्रीको अवसरमा आयोजित मधानी महायज्ञमा प्रस्तुती दिन आएका कलाकार यादवमाथि ढुङ्गा प्रहार भएको हो ।
उनले गीत गाएर प्रस्तुती दिने क्रममा ढुङ्गा प्रहार भएपछि गाउँदै गरेको गीत रोकेर उनले सम्झाएका थिए । यादवले भने, ‘एकछिन शान्त भएर बस्न सक्नुहुँदैन ?’ यसअघि सुनसरीको बर्जु गाउँपालिकामा आयोजित महोत्सवमा पनि उनको सवारी आगजनी गरिएको थियो । आफ्नै छोरा जस्तै माया गर्ने दर्शक श्रोताहरुको मायाका कारण आफुले दोस्रो पटक आँट गरेर कार्यक्रममा उपस्थित भएको बताउँदै कलाकार यादवले १/२ जनाको उच्छृङ्खल गतिविधिका कारण पुरा नेपाल देश नै बदनाम हुन सक्ने बताए ।
उनी भन्छन्, ‘पहिलो पटकको त्यति ठूलो घटनापछि पनि म पुनः आएको छु । मलाई माया गर्नुको सट्ट ढुङ्गा÷ईट्टा प्रहार गर्नुहुन्छ ।’ १ दिनमा ५ करोड दर्शक÷श्रोताहरुले युट्युबसहितका विभिन्न माध्यमबाट हेर्ने भएकाले यसले गर्दा तपाई र तपाईको समाज नै खराब हुने यादवको भनाई छ ।
Discussion about this post