इनरुवा । सुनसरीको भोक्राहा नरसिंह गाउँपालिकामा लालीगुराँस साना किसान कृषि सहकारी संस्था लिमिटेडको दोस्रो वार्षिक साधारण सभा सम्पन्न भएको छ ।
लालीगुराँस साना किसान कृषि सहकारी संस्था लिमिटेड भोक्राहा नरसिंह–१ को साधारणसभाका प्रमुख अतिथी एंव साना किसान लघुवित वित्तिय संस्था लिमिटेड शाखा कार्यालय इटहरीका प्रवन्धक दिपकराज पाण्डेले सहुलियत दरका ऋण उपलब्ध गराउने प्रतिवद्धता व्यक्त गरेका छन् ।
लालीगुराँस साना किसान कृषि सहकारी संस्था लिमिटेडको दोस्रो वार्षिक साधारण सभालाई सम्वोधन गर्दै कार्यक्रमका प्रमुख अतिथि पाण्डेले सो सहकारीलाई सहुलियत दरका ऋण सहित बिभिन्न तालिम तथा अभिुमुखिकरण कार्यक्रम मार्फत सक्षम बनाउने कार्यमा साना किसान लघुवित हरदम तयार रहेको बताए ।
लालीगुराँस साना किसान कृषि सहकारी संस्था लिमिटेड भोक्राहा नरसिंहका आवद्ध भएका व्यक्तिहरुलाई सक्षम बनाउने कार्यलाई बिशेष प्राथमिकता दिई अघि बिभिन्न कार्यक्रम दिने समेत उनले प्रतिवद्धता व्यक्त गरे । साना किसान लघुवित वित्तिय संस्था लिमिटेड शाखा कार्यालयमा लालीगुराँस साना किसान कृषि सहकारीलाई अवद्धता गराई यस आर्थिक वर्षमा सहकारीको विकासका लागि सहयोग गर्ने समेत उनले बताए ।
भोक्राहा नरसिंह गाउँपालिकामा लालीगुराँसलाई नमुना बनाउन सबैको सक्रियता आवश्यक रहेको उनले बताउँदै कम समयमा सहकारी फड्को मारेको हुनाले आगामी दिनमा अनुगमन, निरीक्षण र पुर्ण सहभागिताले मात्र नमुना सहकारी बनाउन सकिने उनको तर्क थियो ।
लालीगुराँस साना किसान कृषि सहकारी संस्था लिमिटेड भोक्राहा नरसिंह–१ का प्रवन्धक चन्देश्वर मेहताले वार्षिक, आर्थिक प्रतिवेदन प्रस्तुत गरेका थिए । प्रतिवेदन प्रस्तुत गर्दै प्रवन्धक मेहताले सहकारीमा आवद्ध रहेका सेयर धनी, बचत कर्ता लगायतकाहरुको भुमिका अपरिहार्य रहन सकेमात्र सहकारीको विकाससँगै उन्नति र प्रगति हुने बताए ।
त्यसैगरी सञ्चालन समितिको सदस्य एंव ऋण उपसमितिका सदस्य प्रकाश कार्कीले स्वागत मन्तब्य व्यक्त गरेका थिए । सो दोश्रो वार्षिक साधारण सभामा भोक्राहा नरसिंह अध्यक्ष महेन्द्र प्रसाद यादव, उपाध्यक्ष पुनम कुमारी मेहता, भोक्राहा नरसिंह गापाको पुर्व सहकारी शाखामा प्रमुख श्याम प्रसाद दाहाल लगायतकालाई सम्मन पत्र सहित उनीहरुलाई खादा लगाएर सम्मान गरिएको हो ।
कार्यक्रममा भोक्राहा नरसिंह गा.पा.सहकारी शाखा प्रमुख सिताराम मेहताले सहकारी संस्थाको सुदृढिकरणमा जोड दिदै स्थानिय सहकारी ऐनमा भएका नीति नियमको पालना गरी पालिकामा नमुना सहकारी बनाउन आवश्यक रहेको बताए ।
लालीगुराँस लालीगुराँस साना किसान कृषि सहकारी संस्था लिमिटेड भोक्राहा नरसिंह–१ का अध्यक्ष हिरालाल मेहताको अध्यक्षतामा कार्यक्रम सम्पन्न भएको थियो ।
सो सहकारीको दोस्रो वार्षिक साधारण सभाका प्रमुख अतिथि दिपक राज पाण्डे, विशिष्ट अतिथि भोक्राहा नरसिंह गाउँपालिकाका अध्यक्ष महेन्द्र प्रसाद यादव, उपाध्यक्ष पुनम कुमारी मेहता, नेपाली कांग्रेस भोक्राहा नरसिंह गाउँपालिकाका सभापति युवराज दाहाल, भोक्राहा नरसिंह नेकपा एमालेका अध्यक्ष रामकुमार मेहता, शिक्षक तथा समाजसेवी उमेश मेहता लगायतकाले सहकारीको सफलताको शुभकामना व्यक्त गरेका थिए । कार्यक्रम दिप नारायण मेहताले संचालन गरेका थिए ।
Discussion about this post