भोक्राहा नरसिंहले सुरु गर्यो असल अभ्यास, अब कमिसन खाने कर्मचारीको मुखमा टेप लाग्ने

इनरुवा । पछिल्लो समय यता सुनसरीको भोक्राहा नरसिंह गाउँपालिकामा भइरहेको विभिन्न योजना तथा कार्यक्रममा अनियमिततालाई रोक्नका लागि असल अभ्यासहरुका काम सुरु गरेका छन् ।
भोक्राहा नरसिंह गाउँपालिकाले जिल्लामै पहिलो पटक असल अभ्यासहरुका काम सुरु गरेपछि अब कार्यक्रम नगरी फर्जी बील भर्पाइ बनाई कागज मिलाउने कर्मचारीको मुखमा टेप लाग्ने भएको छ ।
गाउँपालिकामा केही कर्मचारीले स्थानीय तह निर्वाचन २०७४ यता गाउँपालिकाकै एक कर्मचारीले विभिन्न शिर्षकको रकम हिनामिना गरी इटहरी उपमहानगरपालिका र बिराटनगर महानगरपालिकामा घरघडेरी समेत किन्न भ्याइएको भोक्राहा नरसिंह गाउँपालिकाका एक जनप्रतिनिधिले जानकारी दिएको छ ।
उता गाउँपालिकामा बढ्दै गएको गुनासोको मध्यनजर गर्दै सोमबार भोक्राहा नरसिंह गाउँपालिकाका अध्यक्ष महेन्द्र प्रसाद यादव र उपाध्यक्ष पुनम कुमारी मेहताको हस्ताक्षर सहीत असल अभ्यासहरुको कामकारवाही सुरु गरिएको भोक्राहा नरसिंह गाउँपलिकाको प्रमुख प्रशासकीय अधिकृत बाबुनन्दन मेहताले जानकारी दिए ।
प्रमुख प्रशासकीय अधिकृत मेहताका अनुसार गाउँपालिकाले सेवाप्रवाहलाई सरल, सहज, छिटो, छरितो, प्रविधिमैत्री, प्रभावकारी बनाउनको लागि देहाय बमोजिमको असल अभ्यासहरु शुरुवात गरिएको जानकारी दिएको छ । उनले सेवा प्रवाह क्षेत्रमा एक वडा, एक सचिवको व्यवस्था, वडा कार्यालय, स्वास्थ्य संस्था र मातहतका शाखाहरुको नियमित अनुगमन निरीक्षण, समस्या पहिचान, सेवा प्रवाहमा सुधार लगायतको व्यवस्था गर्ने भएका छन् ।
त्यसैगरी कार्यालयमा आगन्तुक पुस्तिकाको व्यवस्था, फेसबुक, वेभसाइट लगायतमा पालिकाको हरेक गतिविधि दैनिक रुपमा सार्वजनिकिकरण, प्रत्येक महिना अनिवार्य स्टाफ मिटिङ्ग, समस्याको पहिचान गरी कर्मचारीको क्षमता विकासमा सहजीकरण लगायतको कामको सुरुवात गर्ने भएका छन् ।
त्यस्तै कर्मचारीलाई विदा दिँदा सेवाप्रवाहमा असर नपर्ने गरी अर्को कर्मचारीलाई जिम्मेवारी वहनको व्यवस्था मिलाएर मात्र विदा स्वीकृत हुने व्यवस्था कर्मचारीहरुले निर्वाह गर्न पर्ने भुमिका, काम, कर्तव्यको सम्बन्धमा स्पष्ट कार्यविवरण सहितको शाखागत जिम्मेवारी तोक्ने तयारी, अतिरिक्त समय कामकाज गर्ने कर्मचारीलाई आवश्यक प्रमाण कागजातको आधारमा थप सुविधा व्यवस्था, मातहतको कर्मचारीलाई अधिकार प्रत्यायोजन, कार्यालयमा चौविसै घण्टा विद्युत व्याकपको व्यवस्था गरिएको छ ।
त्यसैगरी भौतिक पूर्वाधार, सामाजिक विकास लगायतको क्षेत्रमा ः वडास्तरीय अनुगमन समितिबाट वडामा संचालित आयोजना निर्माण कार्यको नियमित अनुगमन निरीक्षण गरी पन्ध पन्ध्र दिनमा कार्यालयमा प्रतिवेदन पेश गर्ने व्यवस्था, प्रत्येक निर्माण स्थलको दैनिक निगरानी गर्न हेरालुको व्यवस्था, निर्माण कार्यलाई प्रभावकारी बनाउन निर्माण व्यवसायीसँग छलफल, निर्देशन, सबै निर्माण कार्यको अनुगमन निरीक्षण गरी त्रुटी सुधार गर्न निर्माण व्यवसायीलाई पत्राचार, आर्थिक अनुशासन तथा सुशासन प्रवर्द्धन तर्फ खरिद इकाईको निर्णय र अख्तियारी बिना कुनै पनि सामानको खरिद नगर्ने व्यवस्था तालिम कार्यक्रमको अनिवार्य अनुगमन र फेसबुकमा अपडेट गर्ने व्यवस्था गरिएको छ । त्यसैगरी इन्धन, खाजाको भुक्तानी गर्दा प्रमाण कुपन प्रतिवेदन, पुष्ट्याइ हुने कागज राख्ने व्यवस्था, एक व्यक्तिलाई दोहोरो रुपमा सामाजिक सुरक्षा भत्ता भुक्तानी भएको देखिएकोले पंजिकरणको स्टाफलाई लाभग्राहीको पहिचान र विवरण राजु गन घर–घर, बडा–वडा, टोलटोलमा खटाएको, सत्य तथ्य विवरण प्राप्त भएपछि मात्र सामाजिक सुरक्षा भत्ता निकासा हुने व्यवस्था, फजुल खर्च नियन्त्रण कडाइका साथ अभियान गर्न शुरु , जिन्सी निरीक्षण गरी जिन्सी अभिलेख अद्यावधीक गर्ने व्यवस्थाको शुरुवात के कुन पदाधिकारी कर्मचारीको जिम्मा के कुन जिन्सी सामानहरु रहेको छ । जिन्सी सामान, जिन्सी अभिलेखको अवस्था अध्ययन, अनुगमन निरीक्षण गर्न पाँच सदस्यीय टोली गठन गरेको जानकारी दिएको छ । भने बेरुजु फर्छयौटको लागि सम्बन्धीत शाखा र कर्मचारीसँग नियमित सहजीकरण र समन्वय गरिएको छ ।