इनरुवा । नेपाल विद्यार्थी संघको ५५ औं स्थापना दिवसको अवसरमा दीप प्रज्वलन कार्यक्रमको आयोजना गरिएको छ ।
नेपाल विद्यार्थी संघ जिल्ला कार्य समिति सुनसरीको आयोजनामा इनरुवा नगरपालिका-४ बस चौकमा बिहीवार साझ दीप प्रज्वलन कार्यक्रमको आयोजना गरिएको हो ।
उक्त कार्यक्रमका प्रमुख अतिथि कोशी प्रदेशसभा सदस्य हाजी इस्राइल मन्सुरीले दीप प्रज्वलन गरि उदघाटन गरेका थिए ।
उक्त कार्यक्रमका प्रमुख अतिथि हाजी मन्सुरी, विशिस्ट अतिथिहरु नेपाली काङ्ग्रेस प्रदेश सभा क्षेत्र ४(२) का उपसभापति केसरी अधिकारी र नेपाल मुस्लिम संघ सुनसरीका सभापति हारुन अन्सारी लगायतकाले मन्तव्य राखेका थिए।सो दीप प्रज्वलन कार्यक्रम नेपाल विद्यार्थी संघ सुनसरीका उपसभापति सेराज हुसेनको संयोजकत्वमा सम्पन्न भएको थियो ।
कार्यक्रममा नेपाल विद्यार्थी संघ सुनसरीका सदस्य विशाल ठाकुर,रोशन सोनि, इन्जिनियर आशिष याद,अनिशा कार्की,रोशन शर्मा,निरज शर्मा,नेपाल विद्यार्थी संघ सुनसरी क्षेत्र नम्बर ४ का उपसभापति अल्फेज अन्सारी,नेपाल विद्यार्थी संघ सुनसरी बहुमुखी क्याम्पसका कार्यवाहक सभापति सुनिल मण्डल,उपसभापति इमरान अन्सारी, नेविसंघ कोशी गाउँपालिकाका सचिव रन्जित यादव लगायतका नेता तथा कार्यकर्ताहरुको उपस्थिति रहेको थियो ।
Discussion about this post