विराटनगर, साउन २७, नेपाल युवा उद्यमी मञ्च विराटनगरको आयोजनामा आज अन्तर्राष्ट्रिय युवा दिवसको अवसरमा रक्तदान कार्यक्रम सम्पन्न भएको छ। विराटनगरस्थित एमएम प्लास्टिक फ्याक्ट्रीमा आयोजित कार्यक्रममा ५५ जनाले रक्तदान गरेका थिए।
मञ्चले प्रत्येक अन्तर्राष्ट्रिय युवा दिवसमा सामाजिक उत्तरदायित्वअन्तर्गत रक्तदान कार्यक्रम गर्दै आएको छ। यस वर्षको कार्यक्रमले पनि स्थानीय युवा, उद्योगकर्मी र समाजसेवीहरूको सक्रिय सहभागिता प्राप्त गरेको मञ्चका पदाधिकारीहरूले बताएका छन्।
कार्यक्रममार्फत संकलित रक्त स्थानीय ब्लड बैंकमार्फत आवश्यकता भएकालाई उपलब्ध गराइनेछ। आयोजक मञ्चका अनुसार नियमित रक्तदानमार्फत समाजमा जीवनरक्षाको सन्देश फैलाउने उद्देश्यले यस्तो पहल गरिएको हो।
Discussion about this post