साेनयाहीमा अध्यक्ष कप फुटवल प्रतियोगिता संचालन

इनरुवा । सुनसरीको भोक्राहा नरसिंह गाउँपालिका स्थित साेनयाहीमा अध्यक्ष कप फुटवल प्रतियोगिता संचालन उपभोत्ता समिति वडा नं.८ कोे आयोजनामा पहिलो पटक आयोजित अध्यक्ष कप फुटवल प्रतियोगिता २०७९ सुरु भएको छ ।
भोक्राहा नरसिंह गाउँपालिका वडा नं.८ स्थित वडा कार्यालयको छेउमा रहेको स्कुल फिल्डमा आज अध्यक्ष कप प्रतियोगिताको प्रमुख अतिथी एवम सुनसरी क्षेत्र नं. ४(२) का प्रदेश सभा सदस्य इस्राइल मंसुरी उद्धटन गर्दै गाउँपालिका अध्यक्ष अजमल अख्तर आजादलाई धन्यवाद दिएका छन् ।
प्रतियोगिताका प्रमुख अथिती एवम प्रदेश सभा सदस्य इस्राइल मंसुरीले उद्धघाटन सत्रमा बोल्दै भने पालिका अध्यक्ष आजादले खेलाडीहरुलाई खेलकुद प्रति मोह बढाउनका लागि सहयोग गरेकोमा पहिलो पटक अध्यक्ष कप पालिकामा भब्यताका साथ सुरु गरेकोमा धन्यवादको पात्र भएको बताए ।उनले भने आफुले पनि खेलाडीहरुलाई उच्च सम्मानका साथ दिल खोलेर सहयोग गर्ने बताए ।
उता भोक्राहा नरसिंह गाउँपालिका अध्यक्ष तथा अध्यक्ष कप फुटवल प्रतियोगिताका अध्यक्ष समेत गरेका अजमल अख्तर आजादले भने फुटबल अहिले विश्वको सबैभन्दा लोकप्रिय खेल हो । फुटबल खेल्न जति रमाइलो हुन्छ, हेर्दा उति नै मजा आउँछ । तर, फुटबलको सुरूवात भने उत्ति रमाइलो वा सुन्दर छैन । निकै अराजक छ । त्यसैले कुनैपनि डरत्रास नराखेर भयरहित वातावरणमा निश्पक्ष तरिकाले चैत्र ५ गते सम्म फुटवल खेल्न खेलाडीहरुलाई आग्रह गरे ।
सो कार्यक्रममा कार्यपालिकाका सदस्यज्यूहरु, स्थानिय प्रशासन तथा प्रहरी एवं सुरक्षा निकायका प्रमुखज्यूहरु, पूर्व जन प्रतिनिधिज्यूहरु, स्थानीय राजनैतिक दलका प्रमुख एवं प्रतिनिधिज्यूहरु विभिन्न सघं सस्थाका प्रमुखज्यूहरु, विभिन्न सरकारी तथा गैर सरकारी कार्यालयका प्रमुख एवं कर्मचारीहरु लगायतको उपस्थिती रहेकोे थियो ।