भोक्राहा नरसिंहको ४ वटा शिलान्यास

इनरुवा । सुनसरीको सीमावर्ती भोक्राहा नरसिंह गाउँपालिकाको बुधबार ३ वटा वडा कार्यालयको भवन निर्माण गर्ने गरि सिलान्यास गरिएको छ । भोक्राहा नरसिंह गाउँपालिकाको वडा नम्बर ३,६ र ७ को कार्यालय भवन निर्माण गर्ने गरि शिलान्यास गरिएको हो । गाउँपालिकाका कार्यवाहक अध्यक्ष पुनम कुमारी मेहता, प्रमुख प्रशासकीय अधिकृत रामचरित्र मेहता र सम्बन्धित वडाका वडाध्यक्षहरुले संयुक्त रुपमा शिलान्यास गरिएको छ । वडा कार्यालयको आफ्नै भवन नहुँदा भाडाको घरमा कार्यालय सञ्चालन गरिरहेको छ । कार्यालयका लागि उपयुक्त भवनको अभावमा सेवाग्राहीलाई प्रभावकारी सेवा समेत प्रदान गर्न समस्या भइरहेका बेला गाउँपालिकाले वडा कार्यालय निर्माणको कार्यलाई प्राथमिकता दिँदै आएको प्रमुख प्रशासकिय अधिकृत रामचरित्र मेहताले जानकारी दिए । आगामी आर्थिक वर्षभित्र ८ वटै वडा कार्यालय व्यवस्थित भवनमा स्थापित हुने गाउँपालिकाका कार्यवाहक अध्यक्ष मेहताले जानकारी दिइन् ।
भोक्राहा नरसिंह गाउँपालिकाको वार्ड नं. ६ मा विहान १० बजे वडाध्यक्ष राजेश्वर प्रसाद साह, कार्यवाहक अध्यक्ष पुनम कुमारी मेहता र प्रमुख प्रमुख प्रशासकीय अधिकृत रामचरित्र मेहताले सहितकाले शिलान्यास गरेको थियो । भने वार्ड नं.७ मा बिहान ११ः३० बजे वडाध्यक्ष रामचन्द्र यादव , कार्यवाहक अध्यक्ष र प्रमुख प्रशासकीय अधिकृतले भब्यताको साथ शिलान्यास गरिएको वडा सचिव शंकर मेहताले जानकारी दिए ।

त्यस्तै भोक्राहा नरसिंह गाउँपालिकाको वार्ड नं.३ मा वडा कार्यालय भवनको शिलान्यास सहित जग्गादाताहरुलाई सम्मान गरेका छन् ।
वडा नं.३ मा दिउँसो २ बजे वडा कार्यालय भवनको शिलान्यास गरिएको वडा सचिव शोभान्नद शाहले जानकारी दिए ।
वडा सचिव शाहका अनुसार वडा कार्यालय भवनको शिलान्यास कार्यवाहक अध्यक्ष पुनम कुमारी मेहता र वडाध्यक्ष सुकदेव यादवले संयुक्त रुपमा गरिएको बताए । वडा कार्यालय भवनको लागि जग्गा निःशुल्क रुपमा उपल्ब्ध गराउने दुई जना व्यक्तिहरुलाई गाउँपालिका प्रमुख प्रशासकीय अधिकृत रामचरित्र मेहताले दोस्लला ओठाई सम्मान गरिएको हो ।
जग्गादाता भोक्राहा नरसिंह गाउँपालिका वार्ड नं.३ का समाजसेवी मखन यादव र विद्ययानन्द यादवलाई सम्मान गरिएको छ ।
उता वडा कार्यालय शिलान्यासकै क्रममा भोक्राहा नरसिंह वार्ड नं.२ मा व्यावसायीक प्रयोजनका लागि १३ कोठाको सटर सहित भवनको शिलान्यास गरिएको छ ।
वडा नं. २ का वडाध्यक्ष आलम अंसारीले भोक्राहा नरसिंह गाउँपालिकाको ८ वटा वडा कार्यालयहरु मध्ये ७ वटा वडा कार्यालयको प्रशासनीक भवन निर्माण गर्ने क्रममा उनले पनि आफ्नो वडामा वडा कार्यालयको सट्टा व्यावसायीक प्रयोजनको लागि सटर सहितको भवन निर्माणको शिलान्यास गरिएको छ ।
त्यस्तै वार्ड नं.६ का वडाध्यक्ष राजेश्वर प्रसाद साहले जग्गादाता भिखन मण्डललाई सम्मान गरिएको छ ।