इनरुवा । सुनसरी सदरमुकाम इनरुवा सहित आसपास क्षेत्रका स्थानीय तहहरुबाट दैनिक आउने बिरामीको मुटुमा प्वाल परेपछि कसलाई चिन्ता हुदैन् होला ।
गाउँघर देखी इनरुवा शहर सम्म आउने गरिव तथा विपन्न परिवारका विरामीहरुले इनरुवा अस्पतालमा उपचार गराउन आउँदा बिरामीलाई उपचार नै नगरी समान्य उपचार गरेर रेफर मात्र गर्ने गरेको एक विरामीका कुरुवा भोक्राहा नरसिंह ७ का स्थानीय बिरेन्द्र मण्डलको कथन छ ।
विरामीले अस्पतालमा सहज र सुलभ उपचार नपाउँदा बिरामीको मुटुमा प्वाल पर्ने गरेको एक विरामीका कुरुवा भोक्राहा नरसिंह ७ का स्थानीय मण्डलले जानकारी दिए ।
उनको भनाई अनुसार पैसाको अभावका कारण हामीले सरकारी अस्पताल सोचेर उपचार गराउन आउछु तर अस्पतालमा उपचार नपाउँदा मुटुमा छेद भए जस्तो अनुभव हुने गरेको बताए ।
उता इनरुवा अस्पताल सुधारको विषयमा विगत लामो समयदेखी अवाज उठाउदैँ आएका इनरुवा अस्पताल सुधार संघर्ष समितिको प्रयास सफल भएको छ ।
सोमबार जिल्ला जनस्वाथ्य कार्यालय सुनसरी इनरुवाको सभाहलमा आयोजित इनरुवा अस्पताल सुधारबारे अन्तरक्रिया कार्यक्रममा बोल्दै प्रदेश नं.१ का समाजिक विकास मन्त्री जयराम यादवले इनरुवा अस्पताल सुधार गर्ने प्रतिवद्धता व्यक्त गरेका छन् ।
समाजिक विकास मन्त्री यादवले अन्तरक्रिया कार्यक्रममा बोल्दै इनरुवा अस्पतालमा भइरहेको राजनीतिका कारण अस्पताल सुधार नभएको र अस्पताल तत्काल सुधार गर्नुपर्ने उनले बताए ।
उनले इनरुवा अस्पताललाई पुस मसान्त भित्र सुधार गर्ने प्रतिवद्धता व्यक्त गर्दै अगामी दिन कुनैपनि समान्य बिरामी रेफर भएर जाने वातावरण सृजन ागर्ने र गराउने चिक्त्सिकलाई कारवाहीको दायारामा ल्याउने बताए ।
कार्यक्रममा अस्पताल विकास समितिका अध्यक्ष गोपालराज भण्डारी, प्रदेश नं.१ का समाजिक विकास मन्त्रालयका प्रदेश सचिव कमल प्रसाद भट्टराई, जिल्ला प्रशासन कार्यालय सुनसरीका प्रमुख जिल्ला अधिकारी इन्द्रदेव यादव, स्वास्थ्य कार्यालय सुनसरीका प्रमुख सागर प्रसाई, जिल्ला प्रहरी कार्यालय सुनसरीका प्रहरी नायव उपरीक्षक नरेन्द्र कुमार कार्की, सशस्त्र प्रहरी बल नेपाल ४ नं. गण सुनसरीका सशस्त्र प्रहरी नायव उपरीक्षक बालकृष्ण श्रेष्ठ लगायत विभिन्न राजनीतिक दलका प्रतिनिधिहरुको उपस्थिती रहेको थियो ।
Discussion about this post