काठमाडौँ । काठमाडौँ उपत्यकाका विभिन्न स्थानबाट ध्वनि प्रदूषण गराउने ५२ वटा मोटरसाइकललाई ट्राफिक प्रहरीले नियन्त्रणमा लिएको छ । मंसिर १९ गतेदेखि ट्राफिक प्रहरीले गरेको चेकजाँचका क्रममा सोमबारसम्म ५२ वटा मोटरसाइकल नियन्त्रणमा लिएको हो ।
सोमबार मात्रै ध्वनि प्रदूषण गराउने १२ वटा मोटरसाइकललाई नियन्त्रणमा लिएको ट्राफिक प्रहरीले जनाएको छ । योसँगै अभियान सुरु भएदेखि अहिलेसम्म ५२ वटा मोटरसाइकललाई नियन्त्रणमा लिइएको काठमाडौँ उपत्यका ट्राफिक प्रहरी कार्यालयका प्रहरी उपरीक्षक संजय बहादुर राउतले जानकारी दिए ।
साइलेन्सरमा प्वाल पार्ने, साइलेन्सर निकाल्ने, साइलेन्सर परिवर्तन गर्ने, डिभि किलर झिकेर ठुलो आवाज निकाल्ने जस्ता मोटरसाइकललाई नियन्त्रणमा लिइएको प्रहरी उपरीक्षक राउतले बताए ।
नियन्त्रणमा लिएका मोटरसाइकललाई वातावरण विभागद्वारा परीक्षण गराइ स्वरूप परिवर्तन गरेकालाई आवश्यक कारवाहीका लागि यातायात व्यवस्था कार्यालय सतुङ्गल पठाइने र अन्यलाई सवारी तथा यातायात व्यवस्था ऐन २०४९ बमोजिम ट्राफिक जरिवाना गरिने जनाइएको छ ।
खेतीयोग्य जग्गा आवासीय कायम गरिएको भन्दै इनरुवामा स्थानीयको विरोध
इनरुवा । सुनसरी सदरमुकाम इनरुवामा खेतीयोग्य जमिनलाई आवासीय प्रयोजनमा परिवर्तन गरिएको विषय सार्वजनिक भएपछि स्थानीयवासी आक्रोशित भएका छन् । स्थानीयका...
Discussion about this post