इनरुवा । कोशी प्रदेश सरकारले आयोजना गरेको लगानी सम्मेलनपछि नौ महिनामै उल्लेखनीय प्रगति देखिएको छ। सम्मेलनमा हस्ताक्षर भएका ५१ परियोजनामध्ये ५० ले प्रस्ताव पेश गरिसकेका छन् भने पाँच परियोजना पीडीए चरणमा पुगेका छन्।
**लगानी प्राधिकरण कोशी**का प्रमुख कार्यकारी निर्देशक **डा. सरोज कोइराला**का अनुसार ११ परियोजना डीपीआर तयारीमा छन् र अधिकांश परियोजना अध्ययन तथा कानुनी प्रक्रियामा अघि बढिरहेका छन्।
कृषि, ऊर्जा, उद्योग, पर्यटन लगायत क्षेत्रमा एक खर्ब ५७ अर्बभन्दा बढीका परियोजना प्रस्तावित भएका थिए। तीमध्ये पाँचखपन हाइड्रोपावरमा १ अर्ब ४२ करोड लगानी सुनिश्चित भइसकेको छ भने अन्य परियोजनाहरू पनि क्रमशः कार्यान्वयनतर्फ उन्मुख छन्।
प्रदेश सरकारले पाँच वर्षभित्र सबै परियोजना सम्पन्न गर्ने लक्ष्य राखेको छ। हालसम्मको प्रगति हेर्दा सम्मेलनले सकारात्मक सन्देश दिएको निष्कर्ष निकालिएको छ।
Discussion about this post