इनरुवाको चाँदनी चोकमा सडक मर्मतको माग राख्दै स्थानीय

इनरुवा । लामो समय देखि सडक भत्कीएर वर्षायाममा हिलाम्मे र हिउदमा धुलाम्मे हुने गरेपनि सम्वन्धित निकायले ध्यान नदिएको भन्दै सुनसरी सदरमुकाम इनरुवामा स्थानीयले सडक अवरोध गरेका छन ।
इनरुवा दुहवी रोड अन्तरगत इनरुवा १ को चाँदनी चोकमा स्थानीयले सडक मर्मतको माग राख्दै सडक अवरोध गरेका हुन ।
स्थानीयले सडकमा डाट लगाएर सडक अवरोध गर्दै सडक मर्मतको माग गर्दै आएका कारण त्यस क्षेत्रमा सवारी साधनहरु चल्न सकेका छैनन ।
सडक मर्मत नगरिएका साथै सडकमा पानी हालेर धुलो उड्ने नदिने काम समेत नगरिएका कारण वाध्य भएर सडक अवरोध गर्नु परेको स्थानीय अगुवा सिताराम पोदार वताउछन ।

धुलोका कारण बालवच्चाहरु विरामी पर्न थालेकाले सडक मर्मतका लागि दवाव दिन आन्दोलित वन्नु परेको समेत पोदार सुनाउछन ।
लामो समय देखि सडक भत्किएको तथा मर्मत सम्भार नभएका कारण साना ठुला दुर्घटना समेत हुदै आएको र मानव स्वास्थ्यलाई नै प्रतिकुल असर पार्ने गरी धुलोमौला उड्ने गरेका कारण वाध्य भएर दवाव दिन सडक वन्द गर्नु परेको अर्का स्थानीय विनोद गिरी वताउछन ।
इनरुवावाट दुहवी १४ किलो मिटरको दुरीमा रहेका कारण इटहरी हुदै घुमेर विराटनगर जानु भन्दै समय र दुरी समेत कम हुने भएका कारण निजी तथा मालवाहक सवारीका साधनको रोजाइमा इनरुवा दुहवी रोड पर्ने गरेको छ ।
तर इनरुवा दुहवी सडक इनरुवा तर्फ मात्र नभएर सवै तिर जिर्ण वनिसकेको छ ।
सडकको दुरावस्थाका कारण दुर्घटना तथा मानव स्वास्थ्यलाई नै असर गर्ने गरी धुलो हुने गरेको तर्फ नगरपालिका तथा सडक विभागलाई अवगत गराउदा समेत सुनुवाई नभएकाले आन्दोलनमा उत्रनु परेको वताउदै स्थानीयले अव पनि आफना माग पुरा गरी सडक मर्मत नगरे थप कडा आन्दोलन गर्ने चेतावनी दिएका छन । इनरुवा इटहरी हुदै विराटनगर पुग्न भन्दा १० किलो मिटर जति छोटो वाटो पर्दछ ।