चन्दन रौनियार / दुहवी – सुनसरीको दुहबीमा जारि तेस्रो मेयरकप फुटबल प्रतियोगिताको मंगलबार भएको खेलमा दुहबी वडा नम्बर ४ ले दुहबी वडा नम्बर ५ लाई ट्राइबेकरमा ३–१ गोल अन्तरले पराजित गर्दै क्वाटर फाइनलमा प्रवेश गरेको छ। दुहबी वडा नम्बर ७ का खेलाडी चौधरीले खेलको ६५ औं मिनेटमा गोल गरेका थिए।
दुहबी वडा नम्बर ४ का गोल रक्षक बिरबल आलम खेलको म्यान अफ द म्याच घोषित भए। उनले नगद २ हजार तथा मेडल प्राप्त गरे। प्रतियोगितामा प्रथम हुने वडाले उपाधी सहित १ लाख १ हजार नगद तथा शिल्ड मेडल प्राप्त गर्नेछन् भने दोस्रो हुने टिमले ५१ हजार नगद तथा शिल्ड मेडल प्राप्त गर्नेछन्। बुधवारको पहिलो क्वाटर फाइनल खेल दुहबी वडा नम्बर ६ र दुहबी वडा नम्बर ११ बिच हुने आयोजकले जनाएको छ ।
Discussion about this post