एक घरमा आगो लगाई अर्को घरमा चोरीको प्रयास

धनकुटा / छथर जोरपाटी गाउँपालिका–४ तेलियामा अज्ञात समूहले वीरबहादुर विश्वकर्माको घरमा आगो लगाएको छ। बिहीबार राति करिब ८ बजे विश्कर्माको घरमा आगो लगाएको हो।

आगलागीबाट विश्वकर्माको दुई तले घर पूर्णरुप जलेको जिल्ला प्रहरी कार्यालय धनकुटाका प्रमुख एसपी गोविन्द अधिकारीले जानकारी दिए। आगलागीबाट करिब १ लाख ५० हजार रुपबराबरको क्षति भएको छ।

यस्तै, विश्वकर्माको छिमेकी कृष्ण विशङ्खेको घरमा चोरीको प्रयास भएको छ। विशङ्खेको घरको सामान घरको केही नजिकै फेला परेको एसपी अधिकारीले बताए। यस्तै, स्थानीय कुशुम विशङ्खेले काटेर राखेको खरमा पनि आगो लगाएका छ।

अज्ञात समूहले सुरुमा कुशुम विशङ्खेको खरमा आगो लगाएको र त्यहाँ मानिस केन्द्रित भएपछि विश्वकर्माको घरमा आगो लगाई कृष्ण विशङ्खेको घरमा चोरीको प्रयास गरेको अनुमान रहेको स्थानीय खिरबहादुर परियारले बताए। घटनामा संलग्न हुनेको खोजी गर्न प्रहरीले स्थानीयसँग सहकार्य गरी काम गरिरहेको एसपी अधिकारीले बताए।

गुडिरहेको टिपरमा आगलागी

धनकुटा नगरपालिका–६ आँखा अस्पतालअगाडि गुडिरहेको टिपरमा आगलागी भएको छ। तेह्रथुमको बसन्तपुरबाट धनकुटाको मुलघाट बालुवा लिन जाँदै गरेको लु १ झ ३८९१ नम्बरको कालिका कन्ट्रक्सनको टिपर आगलागी भएको हो।

गुडिरहेको ट्रिपरमा वाइरिङ सर्ट भएर आगलागी भएको प्रारम्भिक जानकारी आएपनि थप अनुसन्धान भइरहेको एसपी अधिकारीले जानकारी दिए । आगलागीबाट टिपरको अगाडिको भाग जलेर पूर्णरुपमा क्षति भएको प्रहरीले जनाएको छ