विराटनगर / उच्च अदालत विराटनगरले कोसी अस्पताल विराटनगरलाई आफ्नै जग्गा
भोगचलनको बाटो खोलिदिएको छ ।
सरकारी स्वामित्वमा रहेको विराटनगरस्थित कोसी अस्पतालको जग्गालाई क्षयरोग निवारण
संस्थाले आफ्नो दाबी गर्दै उच्च अदालत विराटनगरमा रिट दायर गरेको थियो । अदालतले
रिट खारेज गरेपछि ६१ वर्षपछि अस्पताललाई आफ्नो नाममा रहेको जग्गा भोगचलनको
बाटो खुलको हो ।
न्यायाधीशहरू कृष्णकमल अधिकारी र मिलनकुमार राईको संयुक्त इजलासले संस्थाको
मागदाबी खारेज गरिदिएको छ । अदालतले रिट खारेज गरेपछि कोसी अस्पतालको नयाँ
भवन बनाउने काम अघि बढ्नेछ । यसअघि संस्थाले जग्गामा दाबी गर्दा अस्पतालको नयाँ
भवन बनाउने काम रोकिएको थियो ।
अस्पतालको नाममा रहेको ६ कठ्ठा आठ धुर जग्गा संस्थाले २०१६ सालदेखि प्रयोग
गरिरहेको छ । जग्गाका बारेमा विवाद बढेपछि अदालतमा रिट परेको थियो ।
सङ्घीय सरकारले ६ तले नयाँ भवन निर्माण गर्न बहुवर्षीय योजनाअन्तर्गत चालू आर्थिक
वर्षका लागि १२ करोड रुपैयाँ बजेट विनियोजन गरेपछि संस्था र अस्पतालबीचको जग्गा
विवाद बढेको थियो ।
नयाँ संरचना निर्माणका लागि क्षयरोग निवारण संस्थालाई स्थानान्तरण गर्नुपर्ने भन्दै
तत्कालीन मेडिकल सुपरीटेन्डेन्ट डाक्टर सङ्गीता मिश्राले छलफल चलाएकी थिइन् ।
संरचना विस्तारका लागि संस्थाको संरचना भत्काउन खोज्दा क्षयरोग संस्थाले अस्पतालविरुद्ध रिट दायर गरेको थियो । कात्तिक २६ गते अदालतले तत्काल काम अघि नबढाउन आदेश जारी गरेपछि अस्पताल विस्तारको काम पनि रोकिएको थियो ।
जग्गा विवादसम्बन्धी मुद्दामा संस्थाले दायर गरेको रिट निवेदनमाथि अन्तिम सुनुवाइ गर्दै अदालतले जग्गा अस्पतालकै भएको फैसला सुनाएको उच्च अदालत विराटनगरका सूचना अधिकारी ओम सुवेदीले बताए । उनका अनुसार माघ २६ गते सुनाइएको फैसलाको पूर्ण पाठ मङ्गलबार तयार भएको छ ।
‘संस्थाले आफ्नो भनेर मागदाबी गरेको विवादित जग्गा नेपाल सरकार कोसी अस्पतालकै
स्वामित्वमा रहेको देखिन्छ । निवेदक ९संस्था०को मागबमोजिम उक्त जग्गामा हक स्थापित
हुने देखिएन’ उच्च अदालतको फैसलामा भनिएको छ ।
विराटनगर महानगरपालिकाको अगुवाइमा संस्थालाई स्थानान्तरण गरेर अस्पताल विस्तार
गर्ने निर्णय भएको थियो । तर संस्थाले सो स्थान छाड्न मानेको थिएन ।
मुद्दा अस्पतालले जितिसकेका कारण यसअघि रोकिएको भवनलगायतका संरचना
विस्तारको काम अब अघि बढ्ने जानकारी अस्पताल विकास समितिका सदस्य मुकेश
बुढाथोकीले दिए ।
अदालतको आदेश अनुसार प्रक्रिया पूरा गरेर जग्गा खाली गर्ने विषयमा सबै पक्षसँग
छलफल भइरहेको क्षयरोग निवारण संस्थाका अध्यक्ष राजन श्रेष्ठले बताए । उच्च अदालतले
आदेश दिए पनि संस्थाका लागि विराटनगर महानगरले भने जग्गा अहिलेसम्म उपलब्ध
नगराएको उनको भनाइ छ ।
अस्पताल विकास समितिका अध्यक्ष बनेर गत असारबाट महेश भट्टराईको टिम आएपछि
दयनीय अवस्थामा पुगेको सरकारी अस्पतालमा सुधारका प्रयासहरू भएका छन् ।
पछिल्लो समय अस्पतालले प्रदान गर्ने सेवालाई गुणस्तरीय बनाउने, पुराना र जीर्ण संरचना
भत्काएर भौतिक संरचना विस्तार गर्ने, सेवा प्रवाहमा भइरहेको ढिलासुस्ती हटाउने र
अस्पतालको नाममा रहेका जग्गाको रेखदेख एवम् संरक्षण गर्नेलगायतका काम भइरहेको
विकास समिति सदस्य बुढाथोकीले बताए ।
कस्तो बन्छ नयाँ भवन ?
अन्डरग्राउन्ड पार्किङसहित कोसी अस्पतालमा ६ तले भवन बन्नेछ । नयाँ भवनको भुइँ
तल्लामा ४७ बेडको इमर्जेन्सी वार्ड ९आकस्मिक कक्ष० हुनेछ । २० वटा जनरल बेड रहनेछन्
त्यस्तै पहिलो तल्लामा आइसियू, एचडियू, आइसोलेसन र क्याबिन रुम हुनेछन् । दोस्रो
तलामा १२ बेडको डाइलसिससहित अन्य बेड हुनेछन् । तेस्रो तलामा मुटु, न्यूरो, सिसियू
बेडहरू हुनेछन् ।
सरकारी स्वामित्वमा रहेको अस्पतालको नाममा मुख्य बजारमा पाँच बिघा १० कठ्ठा जग्गा
छ ।
जसमध्ये विराटनगर अस्पताल चोकमा रहेको गणेश मन्दिरले एक कठ्ठा १० धुर, देवकोटा
पुस्तकालयले दुई कठ्ठा, रेडक्रस सोसाइटीले एक कठ्ठा १३ धुर प्रयोग गरिरहेका छन् ।
Discussion about this post