सुनसरीमा खोला उत्खनन् गर्ने तयारी

रामकुमार यादव – इनरुवा ।

सुनसरीमा १ वर्षदेखी खोला, नदी जन्य पदार्थ उत्खननको कार्य बन्द रहेकोमा यसै हप्ताबाट उत्खन गर्ने तयारी भएको छ ।
स्थानीय तहका क्षेत्राधिकार भित्र रहेको नदीखोलामा मापदण्ड अनुासर नदीजन्य पदार्थ उत्खन्न गर्ने तयारी गरेको हो ।
स्थानीय तह र वन डिभिजन कार्यालयको बीचमा कुरा नमिल्दा अवरुद्ध रहेको नदी जन्य पदार्थ उत्खन्न गर्ने कार्यलाई खुल्ला गर्ने तयारी गरेको जिल्ला समन्वय समितिका प्रमुख गोपालराज भण्डारीले जानकारी दिए ।
आईतबार विपत व्यवस्था सहित नदी जन्य पदार्थ उत्खन अनुगमन समितिको बैठकले मापदण्ड अनुसार गर्ने गरी खोलामा डिट्टि, बालुवा तथा नदीबाट ढुङ्गा गिट्टी बालुवा र माटो–जन्य पदार्थ उत्खनन् र बिक्री वितरण गर्न वातावरणीयलाई ख्याल गरि आफ्नो क्षेत्राधिकारभित्रका खोलामा उत्खननको लागि अनुमती दिने र ठेक्का लगाउने विषयतमा छलफल गरेको भण्डारीले बताए ।
जिल्लाको धरान उपमहानगरपालिका, इटहरी उपमहानगरपालिका, बराहक्षेत्र नगरपालिका , दुहवी र रामधुनी नगरपालिकाको क्षेत्राधिकार भित्र रहेको विभिन्न दनी तथा खोलाको नदिजन्य पदार्थ उत्खनन, संकलन र बिक्री वितरण गर्ने वतावरण निर्माण गर्ने सहमती भएको भण्डारीले बताए । गत आ.ब. २०७६÷०७७ को लागि ठेक्का सम्बन्धि बोलपत्र आब्हान भएकोमा यसपाली क्षेत्राधिकारको विवादले ठेक्का समेत लगाएको छैन ।

जिल्ला समन्वय समिति सुनसरीका प्रमुख गोपालराज भण्डारीको अध्यक्षतामा बसेको अनुमगन समितिको बैठकमा प्रमुख जिल्ला अधिकारी उमेश ढकाल, प्रहरी उपरीक्षक कमल थापा, रामधुनी नगर प्रमुख जयप्रकाश चौधरी, दुहवी नगर प्रमुख वेदनारायण गच्छदार, वन डिभिजन कार्यालय प्रमुख, कोलेनीका प्रमुख सहितको उपस्थिती रहेको थियो ।