विराटनगर । पाँचथरमा जिप दुर्घटना हुँदा एक जनाको मृत्यु भएको छ । एक जना गम्भिर घाइते भएका छन् ।
बुधबार बेलुका पाँचथरको याङबरक गाउँपालिका– ३ यलम्बर चोक स्थित भित्री सडक खण्डबाट च्याङथापु तर्फ जादै गरेको मे १ च ३५६ नम्बरको जिप दुर्घटना हुँदा चालकको मृत्यु भएको हो । ब्रेकफेल भई जिप सडकबाट करिब दुई सय मिटर तल झरेको थियो ।
दुर्घटनामा चालक फिदिम नगरपालिका– २ का ३६ वर्षीय फूलकुमार राई र सहचालक २२ वर्षीय आशिष राई गम्भिर घाईते भएका थिए । उपचारका क्रममा चालक फूलकुमार राईको मृत्यु भएको हो । आशिषको बीएण्डसी अस्पतालमा उपचार भइरहेको प्रहरीले जनाएको छ ।
Discussion about this post