इनरुवा । सुनसरी बहुमुखी क्याम्पसका विद्यार्थीहरुलाई यातायातकर्मीले दुव्र्यवहार गरेका छन् ।
क्याम्पसका विद्यार्थीहरुलाई यातायातकर्मीले दुव्र्यवहार भन्दै महेन्द्र राजमार्गमा शान्त्तीपूर्ण आन्दोलन गर्न बाध्य बनेको थियो ।
राजमार्गमा शान्तिपूर्ण आन्दोलन गर्ने क्रममा सुनसरी प्रहरीले विद्यार्थी नेता सेराज मियाँसहित पाँच जनालाई सुनसरी प्रहरीले नियन्त्रणमा लिएर डेढ घण्टापछि निशर्त रिहाइ गरेको छ ।
यातायातकर्मीले दुव्र्यवहार गरेपछि सुनसरी बहुमुखी क्याम्पस सुनसरीका विद्यार्थी नेता सेराज मियाँको नेतृत्व टोलीले राजमार्गमा शान्तिपूर्ण आन्दोलन गरिरहेको बेला सुनसरी प्रहरीले मियाँसहित पाँच जनालाई डेढ घण्टा नियन्त्रणमा लिएको थियो ।
नेपाल विद्यार्थी संघ सुनसरीको सदस्यसमेत रहेका मियाँलाई सुनसरी प्रहरीले नियन्त्रणमा लिएपछि नेपाल विद्यार्थी संघ सुनसरीका सभापति मन्दीप भट्टराईले निशर्त रिहाई गर्न प्रेस विज्ञप्ति जारी गरेका थिए । नेविसंघ सुनसरीका सभापति मन्दीप भट्टराईद्वारा हस्ताक्षरित विज्ञप्तिमा यातायातकर्मीले विद्यार्थीहरुमाथि गरेको अभद्र व्यवहारप्रति र सुनसरी प्रहरीले मियाँलाई पक्राउ गरेको घटनाको घोर भत्र्सना गरेको छ ।
बिनाशर्त रिहाइ नगरे त्यसको सशक्त प्रतिकार गर्ने प्रेस विज्ञप्ति निकालिएपछि सुनसरी प्रहरीले डेढ घण्टापछि मियाँसहित उनीहरुलाई रिहाइ गरेको थियो । विद्यार्थी नेता मियाँसहित पाँच जनालाई इनरुवा नगरपालिकाका प्रमुख राजन मेहता र कोसी गाउँपालिकाका अध्यक्ष ऐयुब अन्सारीको पहलमा सम्मानपूर्वक रिहाइ गरेको हो ।
यता इनरुवा नगरपालिकाका नगर प्रमुख राजन मेहताले विद्यार्थीहरुलाई अध्ययन, अध्यापन लागि आवतजावत गर्न समस्या भएकाले इनरुवादेखि भण्टाबारीसम्मका लागि केही महिनाभित्रै बसको व्यवस्था मिलाउने प्रतिबद्धता समेत व्यक्त गरेका छन् ।
Discussion about this post