लुम्बिनीमा भएको गलत निर्णयलाई सच्चाएर विधि र प्रक्रिया अविलम्ब सुचारु गर– नेता कोइराला

ईनरुवा । लुम्बिनी प्रदेशमा पुग्नेगरी भएका गलट क्रियाकलाप र खेलले नेपालको लोकतान्त्रिक अभ्यास र संविधानकै मर्यादामा आघात पुर्याएको भन्दै नेपाली कांग्रेस प्रदेश नं. १ संसदीय दलले कडा निन्दा र भत्र्सना गरेको छ।

नेपाली कांग्रेस प्रदेश नं. १ संसदीय दलका नेता राजीव कोइरालाले आइतवार एक विज्ञप्ति जारी गर्दै लुम्बिनी प्रदेशमा भएको समग्र राजनीतिक घटनाक्रमको खेललाई नेपाली काँग्रेस प्रदेश नं. १ संसदीय दलले गम्भीरतापूर्वक लिएको भन्दै संविधानकै मर्यादामा आघात पुग्ने, बलमिच्चाईं, घोर अलोकतान्त्रिक प्रवृत्ति र राजनीतिक नैतिकताको धज्जी उडाउने कार्यको प्रदेश नं. १ संसदीय दल कडा निन्दा र भत्र्सना गरेका छन्।

नेता कोईरालाद्वारा जारी विज्ञप्तिमा भनिएको छ, ‘ लुम्बिनी प्रदेशमा भएको समग्र राजनीतिक घटनाक्रमको खेललाई नेपाली काँग्रेस प्रदेश नं. १ संसदीय दलले गम्भीरतापूर्वक लिएको छ। संविधानकै मर्यादामा आघात पुग्ने, बलमिच्चाईं, घोर अलोकतान्त्रिक प्रवृत्ति र राजनीतिक नैतिकताको धज्जी उडाउने कार्यको प्रदेश नं. १ संसदीय दल कडा निन्दा र भत्र्सना गर्दछ।’

नेकपा एमालेले सत्ताको लागि संवैधानिक विधि तथा प्रद्धती मिचेको बताउँदै कोईरालाले ‘अल्पमतमा रहेकालाई पुनः मुख्यमन्त्री नियुक्ती गरिनु अनि विधि तथा प्रद्धती अनुसार कार्य गर्न सुझाव दिदै विपक्षी दलहरुले जारि राखेको बिरोध एवम् धर्नाकै बाबजुद प्रदेश प्रमुखले सपथग्रहण गराउनु राजनीतिक, नैतिक र संवैधानिक कुनै पनि कोणबाट तर्क संगत हुन नसक्ने’ बताएका छन्।

नेपाली काँग्रेस, नेकपा माओवादी, जनता समाजवादी पार्टी – जसपा र राष्ट्रिय जनमोर्चा राजमो. लगायतका दलले बैकल्पिक मुख्यमन्त्री प्रस्तावित गरि सकेको स्थितीमा संसदीय मुल्य मान्यता विपरीतको व्यवहार प्रस्तुत गरेको बताउँदै नेकपा एमालेले अहिलेको राजनीतिको पद्धतीकै हुमर्त लिने लज्जास्पद र आपत्तीजनक काम गरेको उल्लेख गरेका छन्।

विज्ञप्तिमा भनिएको छ, ‘समग्रमा अहिलेको राजनीतिको पद्धतीकै हुमर्त लिने काम भएको छ। राजनीतिलाई संस्कारहीन बनाइएको छ भने गलत र विकृतपूर्ण कार्य भएको छ। विपक्षी दलहरुबाट अविश्वासको प्रस्ताव आएपछि त्यसको सामना गर्ने काम सरकारको नेतृत्वकर्ताको हो।’

नेता कोइरालाले चेतावनी दिंदै भनेका छन्, ‘प्रदेश प्रमुखबाट भएको गलत निर्णयलाई सच्चाएर विधि र प्रक्रियालाई अविलम्ब सुचारु गरेर संसदको बहुमत अनुरुप नयाँ सरकारका लागि मार्गप्रशस्त गर्न चेतावनीसहित अपील गर्दछु।’