उपप्रमुख पोखरेलको उदारहणीय कार्य

सुरेन्द्र मेहता कुशुवाहा
। सुनसरीको सदरमुकाम समेत रहेको इनरुवा नगरपालिकाकी उपप्रमुख जमुना गौतम पोखरेलले एक महिलाको उद्धार गरि सेफ हाउसमा राखेर उदाहरणीय कार्य गर्नुभएको छ । उपप्रमुख गौतमले बंगलादेशी महिलालाई बेवारिसे अवस्थामा इनरुवामा फेला पारि उद्धार गरेर इनरुवा सेफ हाउसमा राख्नुभएको छ । वहाँले मानवीय सेवा नै सबै भन्दा ठूलो धर्म भएकाले सडक पेटीमा बेवारिसे अवस्थामा रहेकी बंगादेशकी एक महिलाको उद्धार गरेर उनको देशमा समेत पत्राचारसम्मको कार्यमा पहल गर्नुभएको छ ।
बंगलादेशको राजदुताबासलाई समेत जानकारी दिएको र त्यहाँका प्रतिनिधिले इनरुवा आएर ती महिलाको पहिचान गर्ने कार्यमा योगदान गर्न प्रतिवद्धता आएको छ । ती उद्धार गरिएको महिलालाई उनको घरसम्म पुरयाउनका लागि दुताबासले आफ्नो देशमा फोटो सार्जजनिक गरेर पहिचान गर्न लगाउने र आफन्त फेला परे वा आफन्तले मेरो मान्छे भन्ने कुरा गरेपछि उता लान समेत सहजिकरण गर्ने कार्यमा उपप्रमुख पोखरेल लाग्नुभएको छ । दुताबासका प्रतिनिधि उपप्रमुखकै कार्यकक्षमा आएर अवस्था बुझेर जानुभएको छ । उपप्रमुख पोखरेलले दुताबासबाट पहल गर्ने प्रतिवद्धता आएको र त्यसबिचमा इनरुवा नगरपालिकाले आफ्नो निगरानीमा सेफहाउसमा राख्ने काम गरेको बताउनुभयो । इनरुवाकी उपप्रमुख काम प्रति इमान्दार र वफादार भएर लाग्नुभएकोले कहिले बाल विवाह पीडित बनेकी मरिकको उद्धार र उपचार त कहिले सडक पेटीमा खान नपाएर बेवारिसे अवस्थामा रहेकासम्मको उद्धार र संरक्षणमा लागीरहनुभएको छ । पालिकाको उपेक्षामा परेको बेलाबखतमा गुनासो गरेपनि पोखरेल आफ्नो जिम्मेबारबाट कहिले पछि हट्नुभएको छैन । अरु पालिकाको भन्दा इमान्दार भएर काम गरेकाले उपेक्षामा परेको पनि नगरबासीको बुझाई छ । तर पोखरेलले जे काम गर्नुहुन्छ त्यो मन,बचन र असल कर्मले गर्नुहुन्छ ।
सुनसरी सदरमुकाम समेत रहेको इनरुवा नगरपालिका उपप्रमुख जमुना गौतम पोखरेलले केही महिना अघि मात्रै आफ्नो जन्मदिनको अवसरमा विभिन्न विपन्न समुदायलाई मास्क र सरसफाई सामग्री वितरण गर्नुभएको थियो । इनरुवा वडा नम्बर ३ को खत्वे टोलमा माक्स, सावुन तथा विस्कुट वितरण गर्नुभयो ।
पोखरेलले समय अनुसर सामाजिक र उदाहणीय कार्य गरेर अघि बढ्नभएकाले नागरिक समेत खुसि भएका छन् । केही दिन अछि कोरोना भाइरसका सङ्क्रमितहरूको हौसला बढाउन घरघरमा पुगेर सुझाव र परामर्श दिनुभएको थियो ।
त्यसैगरी वडाले प्रत्येक वडामा सिलाई कटाईमा महिलाको पहुच स्थापित गर्ने र घरमै स्वरोजगार सृजन ागर्ने उदेश्यले सिलाई कटाई मेसिन वितरण गर्नुभएको थियो । वडा कार्यालयहरुमा मेसिन अझै छदैछ भने केहीले सिकेर स्वरोगर भएको र केही सिक्ने र सिकाउने क्रममा रहेका छन् ।