साहेबगंजको किसान बाटोमा मकै सुकाउदै : स्थानीय सरकार मौन

देवानगंज । सुनसरी सिमावर्ती क्षेत्र देवानगन्ज गाउँ पालिका साहेबगन्जको सडकमा किसानहरुले मकै सुकाउनका सडक प्रयोग गर्ने गरेका छन् । सडकमा किसानहरुले मकै सकुाएपनि स्थानीय सरकार मौन रहेको पाइएको छ । सडकमा किसानहरुले मकै सुकाउन थालेपछि बाटो नै अवरुद्ध भएको छ । सडकमा मकै सुकाउन किसानहरु अहिले व्यस्त रहेको भएपनि सो सडकबाट आवतजावत गर्ने सर्वसाधारणहरुले प्रयोग गर्ने सवारी साधनबाट दुर्घटना हुने क्रम बढेपनि स्थानीय सरकारले कुनै चासो लिएको छैन् ।
साहेवगंज गाउँका किसानहरूले पुरै बाटो भरि माकै सुकाउनका लागि बाटोको प्रयोग गरेपछि आवत जावत गर्ने समस्या भएको र केही दिन यता व्यक्तिहरु दुर्घटनामा परी घाइते समेत भएका थिए । तर देवानगंज गाउँपालिका र वडा कार्यालय भने मौन देखिएको छ । सडक वा बाटोलाई सफा राख्नु पर्ने ठाउँमा किसानहरुले मकै सुकाउन व्यस्त भइरहेको बेला सम्वन्धित निकाय किन मौन ? भन्ने प्रश्न उठन थालेका छन् । गाउँपालिका र वडा कार्यालयले सडक र बाटोलाई प्रयोग गर्न नमिल्ने र सफा राख्नुपर्ने सन्देश आमव्यक्तिमा दिनुपर्नेको सट्टा उल्टै किसानहरुले मकै सुकाउन केही दिन लाग्ने भएकोले आफूले चुपचाप लागेको एक वडाध्यक्षले प्रतिक्रिया दिएका छन् ।
खेतबाट मकै टिपेर थरेसिङ्ग गरेपछि काचो मकै लाई सुकाउनका लागि समस्या भएपछि बाटो , घाटो लाई नै प्रयोग गरेपछि बाटोमा आवत जावत गर्ने ब्याक्ति अहिले साइकल , मोटरसाइकल बाट चिप्लिएर हात ,खुट्टामा चोटपटक लागेर घाइते हुने क्रम बढेको बेला नागरिक अभियानका स्थानीय पत्रकार जुगेश दास समेत घाइते भएका छ्न।

आफुले साहेबगन्ज बाटो हुदै रिपोर्टिङ गर्न जाने बेलामा ती त्यहाका किसानहरूले बाटोमा मकै सुकाउदै गरेपछी मोटरसाइकल चक्का चिप्लिएर लडैपछी हात ,खुट्टामा चोटपटक लागेर घाइते भएको स्थानीय पत्रकार दासको भनाई छ । पत्रकार दास उदाहरण मात्र हुन् । त्यस क्षेत्रमा सुरक्षाका लागि खटिने सशस्त्र प्रहरीहरु गस्तीमा जाने क्रममा समेत उनीहरु पनि घाइते भएका छन् भने स्वास्थ्यकर्मीहरु पनि सो क्षेत्रमा घाइते भएपनि उपचार उनिहरु आफैले गर्ने गरेका छन् । यसको जवाफ कसले दिने ? उपचार खर्च कसले गर्ने लगायतको प्रश्नको जवाफ कसैले दिन मानिरहेका छैन् ।
यस विषयमा देवानगञ्ज गाउँपालिका–५ का अध्यक्ष अशोक यादवलाइ सोध्दा उनले साहेबगञ्जमा किसान नै किसान भएकोले मकै सडकमा नै सुकाएको र निषेधाज्ञा पनि भएकोले फुर्सदको बेला उनीहरु बाटोमा नै मकै सुकाएको प्रतिक्रिया दिए । स्थानीयहरुले सडकमा मकै सुकाउन, सडकपेटीमा गौठा, गाईगोरु, दाउरा, गोबर राख्ने गरेकोले सम्वन्धित निकायले यस विषयमा सरसफाई गर्न र हटाउन जागरुक्क हुन जरुरी रहेको छ ।