भोक्राहामा कृषि सामग्री वितरण

सुरेन्द्र कुशवाहा
भोक्राहा । सुनसरीको भोक्राहा नरसिंह गाउँपालिकाका किसानहरुलाई मध्यनजर गर्दै अगामी आर्थिक वर्षको लागि कृषि क्षेत्रमा विभिन्न शिर्षकमा बजेट विनियोजन गरिएको बताइएकी छिन् ।
भोक्राहा नरसिंह गाउँपालिकाकी कार्यवाहक अध्यक्ष एंव कृषि सामग्री वितरण कार्यक्रमकी प्रमुख अतिथी पुनम कुमारी मेहताले बोल्दै बाली विकास तथा जैविक बिविधता संरक्षण कार्यक्रम अन्तर्गत मकै खेती प्रर्बद्धन कार्यक्रम कोभिडका कारण समयमा सञ्चालन गर्न नसकेकाले अगामी आर्थिक वर्ष समयमै हुने बताइन् ।
उनले कार्यक्रममा बोल्दैँ किसानहरुको लागि यस वर्ष प्रयाप्त बजेट नभएपनि थोरै बजेटमा बाली विकास तथा जैविक बिविधता संरक्षण कार्यक्रम अन्तर्गत मकै खेती प्रर्बद्धन कार्यक्रम भोक्राहा नरसिंह गाउँपालिका अन्तरगत विभिन्न तिन वटा सहकारी मार्फत कार्यक्रम संचालन गर्न सम्झौता गरिएको बताईन् ।
भोक्राहा नरसिंह गाउँपालिका अन्तरगत कृषि शाखाले बाली विकास तथा जैविक बिविधता संरक्षण कार्यक्रम अन्तर्गत मकै खेती प्रर्बद्धन कार्यक्रम गर्नका लागि भोक्राहा साना किसान कृषि सहकारी संस्था लिमिटेड, श्यामा श्याम कृषि सहकारी संस्था र नरसिंह साना किसान कृषि सहकारी संस्था लिमिटेड सँग सम्झौता गरिएको कृषि शाखा प्रमुख रेनुका चौधरीले ५० प्रतिशत अनुदानमा कृषि सामग्री वितरण कार्यक्रममा जानकारी दिइन् ।
कृषि शाखा प्रमुख चौधरीले कार्यक्रममा किसानहरुलाई जानकारी गाउँदै भने भोक्राहा साना किसान र श्यामा श्याम कृषि सहकारी संस्थाले ५० प्रतिशत अनुदानमा किसानहरुलाई पानी तान्ने मोटर, २ इन वन टु इन वन पावर स्पियर, त्रिपाल र जिंक वितरण गरिएको र नरसिंह साना कृषि सहकारी संस्थाले अब केही दिनमै वितरण गरिने उनले बताइन् ।
शनिबार श्यामा श्याम कृषि सहकारी संस्था भोक्राहा नरसिंह गाउँपालिका वार्ड नं. १ का अध्यक्ष बद्री नरायण मेहताले किसानहरुलाई ५० प्रतिशत अनुदानमा कृषि सामग्री वितरण गरेको छ ।

अनुदान वितरण गरिएको कृषि सामग्री अन्तर्गत पानी तान्ने २ हर्ष पावरको किल्सकर मोटर १६ थान , १८×२४ (९० जि स एम) त्रिपाल २३६ थान, टु इन वन पावर स्पियर १०६ थान, जिंक १७५ किलो वितरण गरिएको हो ।
सो कार्यक्रमको स्वागत मन्तव्यमा शिक्षक पवन कुमार मेहताले सभालाई सम्बोधन गर्दै किसानहरुको लागि बाली विकास तथा जैविक बिविधता संरक्षण कार्यक्रम अन्तर्गत मकै खेती प्रर्बद्धन कार्यक्रम अन्तरगत स्थानीय सरकारले ५०% को अनुदानका उपलब्ध गराउँदा किसानहरुको अनुहारमा मुस्कान आएको बताए ।
उनले कार्यक्रममा मन्तव्य राख्दैँ भने जहाँ लगानी हुन्छ, त्यहाँ माया हुन्छ । भन्नुको तातपर्य सरकारले मात्रै लगानी गरेको भन्दा केही प्रतीशत किसानको पनि लगानी भएको चिज राम्रो ,प्रभावकारी हुने बताए ।
यता सो कार्यक्रममा प्रमुख अथिती एंव भोक्राहा नरसिंह गाउँपालिकाकी कार्यवाहक अध्यक्ष पुनम कुमारी मेहता, विशिष्ट अथिती एंव कृषि शाखा प्रमुख रेनुका चौधरी, सहकारी शाखा प्रमुख सिताराम मेहता, शारदा उच्च मावि भोक्राहा नरसिंह गापा वार्ड नं. १ का शिव नारायण मेहता, जनता समाजवादी पाटी नेपाल भोक्राहा नरसिंह गाउँ कमिटी अध्यक्ष महेन्द्र यादव, नेकपा एमाले भोक्राहा नरसिंह गाउँ कमिटी अध्यक्ष रामकुमार मेहता, भोक्राहा सना किसानका अध्यक्ष उमेश कुमार मेहता , उपाध्यक्ष सुरेन्द्र प्रसाद मेहता, स्काउट नेपाल भोक्राहा नरसिंह गाउँपालिकाका संयोजक रमेश कुमार यादव लगायत अनुदानमा कृषि सामग्री लिने किसानहरुको सहभागीता रहेको थियो ।
सो कार्यक्रमका संचालन भोक्राहा साना किसान कृषि सहकारी संस्थाका अध्यक्ष उमेश कुमार मेहताले गरेका थिए ।