इनरुवा । सुनसरीको भोक्राहा नरसिंह गाउँपालिका वार्ड नं.७ स्थित रहेको जनता माध्यमिक विद्यालयमा प्रधानाध्यापकको विषयमा विवाद सुरु भएको छ ।
विद्यालयका निवर्तमान प्रधानाध्यापक विन्देश्वरी साहको मिति २०७८ साल ८ महिना १८ गते देखी अनिवार्य अवकाशमा पर्न गएकाले सुनिल कुमार भगतलाई विद्यालयको प्रअको जिम्मेवारी दिएको छ ।
निवर्तमान प्रअ साहले भगतलाई प्रअको आर्थिक चलखेलमा जिम्मेवारी दिएको उनीमाथी स्कुलमा कार्यरत्त शिक्षकहरुले आरोप लगाएका छन् ।
शिक्षा विकास तथा समन्वय इकाई सुनसरीको मिति २०७८ साल ८ महिना ५ गतेको चलानी नं. ३३७ को पत्रानुसार जनता माध्यमिक विद्यालयका शिक्षक तथा प्रअ विन्देश्वरी साह मिति २०७८ साल ८ महिना १८ गते देखी अनिवार्य अवकाश पाएका थिए ।
अनिवार्य अवकाश पाएका जनता माध्यमिक विद्यालयका इमान्दार निवर्तमान प्रधानाध्यापक साहले जादाँजादैँ आफ्नो प्रीय भक्त एंव निमावी तह तृतिय श्रेणीका शिक्षक सुनिल कुमार भगतलाई इनरुवाको होटलको एक होटलको बन्द कोठाभित्र प्रअ को जिम्मेवारी दिएको आरोप लागेको छ ।
उनले व निमावी तह तृतिय श्रेणीका शिक्षक सुनिल कुमार भगतलाई २०७८ साल ८ महिना १८ गते देखी लागु हुनेगरी सोही विद्यालयको सम्पुर्ण शैक्षिक, प्रशासनिक तथा आर्थिक कार्य गर्न पत्र दिएको कारण स्कुलमा विवाद सुरु भएको शिक्षकहरुले जानकारी दिएको छ ।
उता सोही जनता माध्यमिक विद्यालयका तृतिय श्रेणीका शिक्षक जदुलाल साहले शिक्षा विकास तथा समन्वय इकाई सुनसरीको कार्यालय प्रमुखलाई कारवाहीको निवेदन दार्ता गराएको छ ।
शिक्षा विकास तथा समन्वय इकाई सुनसरीमा २०७८ साल ८ महिना २० गते २५७ नम्बरमा उनले दिएको निवेदन दार्ता भएको हो ।
उनले दार्ता गरेको निवेदनमा उल्लेख भएअनुसार जनतामा माध्यमिक विद्यालयमा निवर्तमान प्रअ विन्देश्वरी साहको २०७८ साल ८ महिना १७ गते देखी अनिवार्य अवकाश भएकाले शिक्षा ऐन २०२८ तथा शिक्षा नियमावली २०५९ को विपरीत प्रअ नियुक्ति भएको उल्लेख गरेको छ ।
शिक्षा ऐन २०२८ तथा शिक्षा नियमावली २०५९ का नियम ९३ को उपनियम १२ बमोजिम उक्त प्रधानाध्यापकको जिम्मेवारी मावि तृतिय श्रेणीका विद्यालय शिक्षक तथा सहायक प्रअ जदुलाल साहले पाउनुमा गैरकानुनी रुपमा नि.मा.वि.तृतिय श्रेणीका शिक्षकले जिम्मेवारी पाएको हो ।
नि.मा.वि.तृतिय श्रेणीका शिक्षक सुनिल कुमार भगतलाई दिएको विद्यालयका निवर्तमान प्रअ शाहले जिम्मेवारी दिएको कारण स्कुलमा कार्यरत्त शिक्षकहरु अहिले विद्याथीहरुलाई बढाउनु भन्दा राजनीतिमा व्यस्त रहेको समेत पाइएको छ ।
तृतिय श्रेणीका शिक्षक भगतलाई दिएको निमित्त प्रअ को जिम्मेवारी बदर गरी नियमअनुसार निमित्त प्रअको जिम्मेवारी दिनका लागि सोही स्कुलमा कार्यरत्त शिक्षक एंव सहायक प्रअ जदुलाल साहले नियम विपरीत जिम्मेवारी दिने निवर्तमान प्रअ लाई कारवाही हुनुुपर्ने माग गरेका छन् ।
उता शिक्षा विकास तथा समन्वय इकाई सुनसरीका प्रमुख रमेशबहादुर दाहालले सम्बन्धित गाउँपालिका तथा विद्यालयलाई निमित्त प्रअको व्यवस्था गर्न प्रत्राचार गरेको छ ।
Discussion about this post