इटहरी / इटहरीमा खैरोहिरोइन सहित ६५ वर्षीया वृद्धलाई प्रहरीले पक्राउ गरेको छ ।
इलाका प्रहरी कार्यालय इटहरीका सूचना अधिकृत प्रहरी निरीक्षक गणेशप्रसाद भट्टराईका अनुसार पुष २ गते दिउँसोको समयमा इटहरी ४ मा रहेको पूर्व बसस्टेण्डमा लागूऔषध खैरोहिरोइन बिक्री भइरहेको भन्ने सूचनाका आधारमा वृद्वालाई पक्राउ गरिएको हो । पक्राउ पर्नेमा तुलसा श्रेष्ठ रहेकी छन् ।
भट्टराईका अनुसार इलाका प्रहरी कार्यालय इटहरीबाट खटिएको प्रहरी टोलीले तेह्रथुम म्याङलुङ ३ घर भइ हाल इटहरी ४ गैरीगाँउस्थित कोठा भाडामा ६५ वर्षीया श्रेष्ठलाई शंकित अवस्थामा फेलापारी रीतपूर्वक खानतलासी गर्दा निजले लगाएको स्वीटरबाट प्लाष्टिकमा राखिएको एक ग्राम ४४ मिलिग्राम र प्लाष्टिक बाहेक ५८ मिलिग्राम लागूऔषध खैरोहिरोइन ब्राउनसुगर फेला परोको छ ।
उक्त ब्राउनसुगर बरामद गरी श्रेष्ठलाई सम्मानित सुनसरी जिल्ला अदालतबाट लागूऔषध ऐन २०३३ बमोजिम म्याद थप गरी अनुसन्धान भइरहेको प्रहरीले जनाएको छ ।
२ गते पक्राउ गरिएपनि प्रहरीले बुधबार दिउँसो मात्रै घटनाबारे सार्वजनिक गरेको हो ।
Discussion about this post