सुरेन्द्र मेहता/भोक्राहा। सुनसरीको भोक्राहा नरसिंह गाउँपालिका वार्ड न. २ स्थित रहेको श्री आधारभूत विद्यालय अकाहाले साप्ताहिक कार्यक्रम सम्पन्न भएको छ । साप्ताहिक कार्यक्रम अन्तरगत शुक्रबार विद्यालय सरसफाई तथा बाल क्लब पुनः गठन गरेका छन ।
प्रत्येक शुक्रबार अतिरिक्त क्रियाकलाप अन्तरगत विद्यालयका परिसर सरसफाई गरि फुल रोपेर फुल बगैंचा लगाइएको विद्यालयका प्रधानाध्यापक मनोज कुमार मेहताले जानकारी दिए ।
प्र अ मेहताका अनुसार आधारभुत विद्यालय अकाहाले आफ्नो वरपरका परिसर सरसफाइ गर्दे वृक्षारोपन एवं गोडमेल, फुलबारी बगैंचा निर्माण गरिएको बताए ।
त्यसैगरि विद्यालय अन्तरगत रहेका सरस्वती बाल क्ल्ब पुनः गठन गरि २१ सदस्यीय समिति चयन गरिएको जनाएको छ ।
साे समितिका अध्यक्षमा सीता कुमारी मेहता , उपाध्यक्षमा राम सेवक मेहता ,महिला उपाध्यक्षमा लक्ष्मि शर्मा , सचिवमा सुमन कुमार ठाकुर ,सह सचिवमा सुमन कुमार उराँव ,कोषाध्यक्ष अमित कुमारी मेहता,सदस्यहरुमा शिव कुमार पोदार,शोभा कुमारी उराँव , किरण कुमार खत्वे, अभिषेक कुमारी मेहता(ए) अभिषेक कुमार मेहता(बि) , सकिल अहमद लगायतका २१ सदस्यीय विद्यार्थीहरु चयन गरिएका छन। भने बाल क्ल्बको सक्रियताले बालबालिकाको नेतृत्व तथा सिपको विकास हुने भएकाले बाल क्ल्बमा जोड दिएकाे प्रअ मेहताले जानकारी दिए ।
Discussion about this post