भोक्राहा नरसिंहमा अध्यक्ष महेन्द्र प्रसाद यादवको भव्य स्वागत

बिपक्षीलाई चुनौती दिदैँ अध्यक्षले भने–जसरी जमिनको किम्मत हुन्छ, यादवको पनि हिम्मत हुन्छ ?

इनरुवा । भोक्राहा नरसिंह गाउँपालिकाका अध्यक्ष महेन्द्र प्रसाद यादव अध्यक्ष पदको जिम्मेवारी पुन सम्हाल्न आईतबार ११ बजे भोक्राहा नरसिंह गाउँपालिका कार्यालय चिरौली पुगे । महेन्द्र प्रसाद यादव घरबाट अध्यक्ष पदको जिम्मेवारी सम्हालन घरबाट निसक्दा भोक्राहा नरसिंहका जनताहरुरुले उनको भव्य स्वागत गरे । उनको स्वागतमा भोक्राहा नरसिंह गाउँपालिकाका जनताहरु आईतबार बिहानैदेखि उनको घर अगाडी उपस्थित थिए । घरबाट पुन गाउँपालिका अध्यक्षको जिम्मेवारी लिनका निम्ति निस्केसँगसँगै उनलाई त्यहाँका सर्वसाधरण जनता, बिभिन्न पार्टीका नेता कार्यकर्ताहरूले उनको घर देखी भोक्राहा नरसिंह गाउँपालिका कार्यालय सम्मको बीच ठाउँ–ठाउँ महेन्द्र प्रसाद यादवको सबारी रोकेर उनको स्वागत गरे । फुलचौक, चिरौली चौक, सिवगंज चौकमा जनताहरूले महेन्द्र प्रसाद यादवको स्वागत गरे ।

हरेक ठाउँ महेन्द्र प्रसाद यादव स्वयं जनताहरुहरू नजिक रोकिए र जनताहरूको अभिनन्दन स्वीकार गरे । त्यसपछी गाउँपालिकामा आए । गाउँपालिकामा समेत गाउँपालिकाकी उपाध्यक्ष पुनम कुमारी मेहता, प्रमुख प्रशासकिय अधिकृत रामचरित्र मेहता, वडा अध्यक्षहरु सुकदेव यादव, रामचन्द्र यादव लगायत ३ हजारबढी भोक्राहा नरसिंह गाउँपालिकाका जनता, जनप्रतिनिधी, कर्मचारीहरुले उनलाई माला, अबिर, दोस्सला, खादाले स्वागत तथा अभिनन्दन गरे ।

सो अभिनन्दन कार्यक्रमलाई सम्बोधन गर्दै अध्यक्ष महेन्द्र प्रसाद यादवले म भोक्राहा नरसिंहका जनताको सेवक रहेको बताउँदै आफूलाई जिल्ला प्रहरी कार्यालय सुनसरीका तत्कालिन प्रहरी प्रमुख कमल थापाले षडयन्त्रपूर्वक आफूमाथि हुदै नभएको घटनामा झुठ्ठा मुद्धा लगाएर बदनाम गर्न खोजेको बताए । जिल्ला प्रहरी कार्यालय सुनसरीले जसरी देवराम यादव मधेशीलाई हतियार मुद्धामा फसाए, भण्टाबारीबाट नियन्त्रणमा लिई भोक्राहाबाट बरामद गरिएको भनिएको हतियार र लागुऔषध सहितको मुद्धामा जसरी कृष यादवलाई फसाए त्यसरी नै षडयन्त्रपूर्वक मलाई तत्कालिन एसपी कमल थापाले मलाई झुठा मुद्धा लगाई फसाएको भएपनि अन्तिममा मेलै ८ महिनापछी अदालतबाट न्याय पाएको कुरा त्यहाँका जनतालाई बताए ।

अध्यक्ष महेन्द्र प्रसाद यादवले बिपक्षीलाई चुनौती दिदैँ भने–जसरी जमिनको किम्मत हुन्छ त्यसरी नै यादवको पनि हिम्मत हुन्छ । म २०४७ साल देखी राजनितिमा सक्रिय छु, पटक पटक म बिरुद्ध सुनसरी प्रशासनले षडयन्त्र गर्दै आएको उनले बताए । उनले आफूले जिल्ला प्रहरी कार्यालय सुनसरीका तत्कालिन एसपी कमल थापालाई जिप्रका सुनसरीको भवन निर्माणका लागि १५ लाख चन्दा नदिएको र सुरक्षा निकाय र जनप्रतिनिधीहरुको एउटा बैठकमा एसपी थापालाई सुरक्षा व्यवस्था मिलाउन नसक्ने भए एसपी भएर किन बसी रहनु पर्यो भन्दा उनले षडयन्त्र पूर्वक हुदै नभएको घटनामा आफुलाई फसाईएको ठोकुवा गरे ।