सह सचिव रामचरित्र मेहता सम्मानित

इनरूवा । सुनसरी सदरमुकाम इनरुवामा एक कार्यक्रमको आयोजना गरी समाजले विकास प्रेमीकाे नामले देशभर परिचित रामचरित्र मेहतालाई सम्मान गरिएको छ । नेपाल कुशवाहा विधार्थी कल्याण समाज सुनसरीले एक कार्यक्रम बीच मेहतालाई सम्मान गरिएकाे हाे ।
कुशवाहा समुदायबाट निजामति सेवाको सहसचिव जस्तो उच्च पदमा खुला प्रतिस्पर्धाबाट उत्तिर्ण भएको भन्दै समाजले सम्मान गरिएको हो ।   
समाजले मेहतालाई दोसल्ला, फुलमाला र अविर सहित सम्मान पत्रबाट सम्मान गरिएको थियो । सुनसरी जिल्लाबाट कुशवाहा समुदाय भित्रै मेहताले निजामति सेवा अन्तर्गतको सहसचिव पदमा नाम निकाल्ने पहिलो व्यक्ति हो ।
समाजका सुनसरी अध्यक्ष अर्जुन मेहताको अध्यक्षतामा भएको सम्मान कार्यक्रममा नेपाल कुशवाहा कल्याण समाज सुनसरीका अध्यक्ष श्रीलाल मेहता, पूर्वअध्यक्ष रामप्रसाद मेहता, भोक्राहा नरसिंह गाउँपालिकाकी उपाध्यक्ष पुनम कुमारी मेहता लगायतको उपस्थिती रहेको थियो ।
भोक्राहानरसिंह गाउँपालिकामा प्रमुख प्रशासकिय अधिकृत पदमा कार्यरत मेहताले शाखा अधिकृत बाट सहसचिव पदमा नाम निकाल्ने थोरै मध्ये  पर्दछ । उनले शाखा अधिकृतबाट उपसचिव नभई एकैपटक सहसचिव पदमा उतिर्ण भएका हुन ।