इनरुवा । सुनसरीको भोक्रहा नरसिंह ४ नं वडामा नेकपा एकिकृत समाजवादीले एकामुद्धिन अन्सारीको नेतृत्वमा वडा कमिटी गठन गरेको छ ।
स्थानिय तह निर्वाचनको मिती घोषणा भएसगै नेकपा एसले सुनसरीमा वडा टोल तहको संगठनलाई चुनाव केन्द्रित गर्दै कमिटी गठन परिचालन तिब्र बनाएको हो।
मंगलवार भोक्राहा–नरसिहं ४ नं वडामा भएको भेलाले अध्यक्ष एकामुद्धिन अन्सारी, उपाध्यक्ष विरेन्द्र उराँव र रहमान अन्सारी, सचिवमा इम्रान मियाँ अन्सारी, उपसचिवमा बौवालाल सदा र अपसना खातुनसहित ७५ सदस्य कमिटी गठन भएको छ ।
वडा भेलामा सपथ ग्रहण गराउदै नेकपा एसका पोलिटव्युरो सदस्य तथा सुनसरी इन्चार्ज महफुज आलम अन्सारीले सुनसरीका १२ वटै पालिकाका १ सय २४ वटा वडाहरुमा नेकपा एसले संगठन विस्तार र परिचालनको अभियान थालेकाले सवै टोल तहमा पार्टीको संगठन निमार्ण हुने बताए ।
नेता अन्सारीले नेकपा एसले आउदो निर्वाचनमा गठबन्धनबाट निर्वाचन लडने गरि केन्द्रमा भएको सहमती अनुसार उम्मेदवार उठाउने भएकाले विपक्षी दल आत्तिएर भ्रामक हल्लाहरु जनताका माझमा फैलाउने लागेकाले त्यसको सशक्त रुपमा विरोध गर्ने बताए ।
नेकपा एसका प्रदेश सदस्य किरण कार्कीले सुनसरीको मधेशी मुस्लिम टोल वस्तीमा आफनो पकड विस्तार गर्दै आएको नेकपा एसमा विभिन्न दलका असन्तुष्ट तथा गुटको कारण योग्यता क्षमता भएर पनि जिम्मेवारी बिहीन बनाइएका नेता कार्यकर्ताहरु प्रवेश गरि नेकपा एसको पार्टी संगठनमा आवद्ध हुने क्रम बढदै गएको बताए ।
नेकपा एस भोक्राहा–नरसिहं गाउ कमिटीका अध्यक्ष जावेद आलमको अध्यक्षतामा भएको भेलामा नेकपा एसका प्रदेश सदस्य किरण कार्की, जिल्ला सदस्य कलिम अन्सारी, कदमलाल उराँव, एकवाल अन्सारी र इन्द्रदेव उराँवलगायतले शुभकामना दिएका थिए ।
Discussion about this post