भण्टाबारी । सुनसरीको कोशी गाउँपालीका ८ स्थित भण्टाबारीमा ट्रकको ठक्करबाट एकजना वृद्धको मृत्यु भएको छ । मंगलबार दिउँसो पश्चिमबाट पूर्वतर्फ आउँदै गरेको प्र २ ०३००१ ख २५०५ नम्बरको ट्रकको ठक्करबाट स्थानीय भरत सहनीको मृत्यु भएको हो । अन्दाजी ५५ वर्षका सहनीलाई दाउरा लिएर आउँदै गर्दा ट्रकले ठक्कर दिदा उपचारको लागि अस्पताल लादै गर्दा बाटोमा मृत्यु भएको हो । घटनापछि स्थानीयबासी आक्रोशित हुँदै राजमार्ग अवरुद्ध गरेका थिए ।
आक्रोशित भीडले ठक्करबाट घाइते भएका सहनीलाई ट्रक ब्याक गरेर चालकले जानीजानी मारेको भन्दै उनलाई हदैसम्म कारबाही हुनुपर्ने माग गरेका छन् । घटनापश्चात् तत्कालै जिल्ला प्रहरी कार्यालय सुनसरीबाट इन्स्पेक्टर सुभाष भट्टराईको नेतृत्वमा घटनास्थल पुगेको प्रहरी टोलिले अनुसन्धान पश्चात् चालकले मृतकलाई गाडी ब्याक गरेर जानीजानी मारेको पाइएमा हदैसम्म कारबाही गर्दै मृतकका परिवारलाई क्षतिपूर्ति उपलब्ध गराउन गर्ने आश्वासन दिएपछि अवरुद्ध राजमार्ग खोलिएको थियो ।
Discussion about this post