संघीयता कार्यान्वयनमा मन्त्रालयको भूमिका विषयक कार्यक्रम सम्पन्न

इनरूवा । सुनसरीको भाेक्राहा नरसिंह गाउँपालिकामा संघीयता कार्यान्वयनमा मन्त्रालयको भूमिका विषयक कार्यक्रम सम्पन्न भएको छ ।
स्थानीय तहमा सेवा प्रवाहका सम्बन्धमा अन्तरक्रिया तथा छलफल कार्यक्रम भोक्राहा नरसिंह गाउॅपालिकाको आयोजना र संघीय मामिला तथा सामान्य प्रशासन मन्त्रालय सिंहदरबार काठमाडौंको सहजीकरणमा शनिवार सम्पन्न भएको हाे । संघीयता कार्यान्वयनमा संघीय मामिला तथा सामान्य प्रशासन मन्त्रालयको भूमिका र स्थानीय तहको सेवा प्रवाह सम्वन्धी अन्तरक्रिया तथा छलफल कार्यक्रम गाउॅपालिकाको सभाहलमा गाउॅपालिका अध्यक्ष श्री महेन्द्रप्रसाद यादवकाे अध्यक्षतामा सम्पन्न भएको भाेक्राहा नरसिंह गाउँपालिकाका सुचना तथा प्रविधि अधिकृत संदेश तिमिल्सिनाले जानकारी दिए ।
कार्यक्रममा गाउँपालिका अध्यक्ष महेन्द्रप्रसाद यादवले गाउॅपालिकाले स्वच्छ छवी निर्माण गर्दै सेवा प्रवाहलाई प्रभावकारी वनाउन कुनै कसर वाॅकी नराख्ने र भोक्राहा नरसिंह गाउॅपालिकालाई हाम्रो गाउँपालिका राम्रो गाउँपालिका वनाउन पछि नपर्ने विचार व्यक्त गरेका थिए ।
कार्यक्रममा संघीय मामिला तथा सामान्य प्रशासन मन्त्रालय सिंहदरबार काठमाडौंका सह-सचिव बसन्त अधिकारी, जिल्ला प्रशासन कार्यालय सुनसरीका प्रमुख जिल्ला अधिकारी इन्द्रदेव यादव, जिल्ला समन्वय अधिकारी त्रिलोचन न्यौपाने, वडा नम्बर ८ का वडाध्यक्ष हतिम अंसारी, कोशी गाउँपालिकाका प्रमुख प्रशासकीय अधिकृत खगेन्द्र गिरीले स्थानीय तहको सेवा प्रवाहलाई प्रभावकारी वनाउन तीनै तहवीच आवश्यक समन्वय र सहजिकरण हुनुपर्ने मनतव्य राखेकाे सुचना प्रविधि अधिकृत तिमिल्सिनाले जानकारी दिए ।
त्यस्तै भाेक्राहा नरसिंह गाउँपालिकाकी उपाध्यक्ष पुनमकुमारी मेहताले गाउँपालिकाले समग्रमा असल कार्यवातावरणका साथ सेवा प्रवाह गरिरहेको र उक्त कार्यमा कुनै किसिमको हस्तक्षेप नभएको धारणा व्यक्त गरेकी थिइन्।
उता कार्यक्रममा संघीय मामिला तथा सामान्य प्रशासन मन्त्रालय सिंहदरबार काठमाडौंका सह-सचिव बसन्त अधिकारीले स्थानीय तहको संस्थागत क्षमताको विषयमा, उपसचिव तुलसीराम अर्यालले मन्त्रालयको भुमिकाको वारेमा र प्रमुख प्रशासकीय अधिकृतले गाउँपालिकाको सेवा प्रवाहको समग्र स्थितिको वारेमा कार्यपत्र प्रस्तुत गरेका थिए।
साे कार्यक्रममा संघीय मामिला तथा सामान्य प्रशासन मन्त्रालयको सहसचिव बसन्त अधिकारी, प्रमुख जिल्ला अधिकारी इन्द्रदेव यादव, उपाध्यक्ष पुनमकुमारी मेहता, उपसचिव तुलसीराम अर्याल, जिल्ला समन्वय अधिकारी त्रिलोचन न्यौपाने, कोशी गाउॅपालिकाको प्रप्रअ खगेन्द्र गिरी, हरिनगर गाउॅपालिकाको प्रप्रअ तुलाराज थापा मगर, भाेक्राहा नरसिंह गाउँपालिकाका ८ वटै वडाका वडाध्यक्षहरू, कार्यपालिकाको सदस्यहरू, विभिन्न शाखाका शाखाप्रमुखहरू, वडासचिवहरू, स्वास्थ्य संस्थाप्रमुखहरू लगायतको सहभागिता रहेका थिए ।
उक्त कार्यक्रमकाे अवसरमा गाउँपालिका अध्यक्ष महेन्द्रप्रसाद यादव र उपाध्यक्ष पुनमकुमारी मेहताले सह-सचिव बसन्त अधिकारी, प्रमुख जिल्ला अधिकारी इन्द्रदेव यादव र उपसचिव तुलसीराम अर्याललाई तराई मधेसकाे स्थानीय संस्कृतिको झल्को दिने गमछा र अविर लगाइ सम्मान गरेका थिए ।