प्रेस सेन्टर नेपाल टीकापुर शाखाकाे प्रथम अधिबेशन सम्पन्न

टीकापुर / कैलालीको टीकापुर नगरपालिकामा प्रेस टीकापुर / प्रेस सेन्टर नेपाल टीकापुर शाखाको पहिलो अधिवेशन आज सम्पन्न भएको छ ।
प्रेस सेन्टर नेपालका केन्द्रिय सदस्य एवम् सुदूरपश्चिम प्रदेश इन्चार्ज रामसिँह ठगुन्नाको प्रमुख आतिथ्यमा सो अधिवेशन सम्पन्न भएको हो ।
पत्रकार बलराम भगोरियाको अध्यक्षतामा भएको कार्यक्रममा नेकपा (माओवादी केन्द्र) टीकापुरका अध्यक्ष खडक शाह (संघर्ष) र प्रेस सेन्टर नेपालका केन्द्रिय सदस्य दुर्गा भण्डारीले बिशिष्ठ अतिथीको आशनबाट मन्तब्य राख्नु भएको थियो ।
कार्यक्रममा बिशिष्ठ अतिथि प्रेस सेन्टर नेपालका केद्रिय सदस्य मदनराज जोशी, नेपाल पत्रकार महासंघ सुदूरपश्चिम प्रदेश समिति सदस्य दीपेन्द्र भण्डारीको समेत सहभागिता रहेको थियो ।
कार्यक्रममा प्रेस सेन्टर नेपालका कैलाली जिल्ला समन्वय समिति अध्यक्ष तेजराज भट्ट, प्रेस सेन्टर नेपाल सुदूरपश्चिम प्रदेश उपाध्यक्ष पदम बोहरा, नेपाल पत्रकार महासंघ कैलालीका कोषाध्यक्ष घनश्याम पौडेलले मन्तब्य राख्नु भएको थियो ।
त्यसैगरी पत्रकार छविलाल जैसीले स्वागत मन्तब्य राख्नु भएको उक्त कार्यक्रम पत्रकार पूर्ण बिकले संचालन गर्नु भएको थियो ।
यसैगरी अधिवेशनले पत्रकार बलराम भगोरियाको अध्यक्षतामा ११ सदस्यीय कार्यसमिति गठन गरेको छ । कमिटीको उपाध्यक्षमा जगतकुमारी जैसी, सचिव पूर्ण बिक, सहसचिव मानबहादुर ठकुल्ला, कोषाध्यक्ष खेमराज पाण्डेय तथा सदस्यहरु हरि चौधरी, राजेन्द्र बिक, राकेश चौधरी, पूर्णीमा चौधरी, सिताराम चौधरी र रबिना चौधरी रहनु भएको छ ।