गरिव तथा विपन्न परिवारका सदस्यहरूलाई निःशुल्क बिमा

दिपेन्द्र यादव /इनरुवा । सुनसरीको भाेक्राहा नरसिंह गाउँपालिका अध्यक्ष अजमल अख्तर आजादले गरिव तथा विपन्न परिवारका सदस्यहरूलाई निःशुल्क बिमा गरेका छन्  ।
गाउँपालिका अध्यक्ष आजादले बिहीबार एक कार्यक्रमका बीच १ सय पचास परिवारका सदस्यीयहरूकाे नि: शुल्क बिमा गरिदिएर उदाहरणीय काम गरिएको भाेक्राहा नरसिंह गाउँपालिका वडा नम्बर ७ का एक विपन्न परिवारका सदस्यीय सुनिल यादवको कथन छ ।केही महिना अघि ३ सय २० जना घरपरिवारका सदस्यीयहरूकाे निःशुल्क स्वास्थ्य बिमा गरिएको थियो ।
हाल सम्म गाउँपालिका अन्तरगत रहेका ८ वटै वडामा रहेका गरिव तथा विपन्न परिवारका   ४ सय ७० जना घरपरिवारका सदस्यहरूको स्वास्थ्य बिमा गरिएको गाउँपालिका अध्यक्ष अजमल अख्तरले जानकारी दिए ।
गाउँपालिका अध्यक्ष आजादले भने पालिका रहेका कुनैपनि नागरिक उपचार नपाएर ज्यान गुमाउनु नपराेस् भनेर हामीले स्थानीय तह निर्वाचन सम्पन्न भए लगत्तै २ सय घरपरिवारको नि:शुल्क स्वास्थ्य बिमा गरिएको बताए ।
उनले भने अति विपन्न तथा गरिबीको सुचीमा रहेका झन्डै ४ सय ७० जना घरपरिवारका सदस्यहरूकाे भाेक्राहा नरसिंह गाउँपालिकाले ३ हजार पाँच सय रूपैयाँकाे स्वास्थ्य बीमा गरिदिएको छ ।जसले सामान्य भएपनि स्वास्थ्य चेकजाँच र उपचार गराउने अवस्था सिर्जना भएको छ।
पहिलो पटक गाउँपालिकाले अतिविपन्न नागरिकको स्वास्थ्य बीमा गरिदिएपछि स्थानीय सकुन्ती मेहता निकै खुसी छिन्। अस्पतालमा उपचार गर्न जाँदा स्वास्थ्यबीमा कार्ड खोज्छ। उनले भनिन्‘रकम अभावका कारण बीमा गर्न सकिएको थिएन। कैयन पटक औषधि किन्न नसक्दा घर बिरामी लुकाएर बसिन्थ्यो ।अब गाउँपालिकाले दिएको स्वास्थ्य बीमा कार्ड लिएर अस्पताल गइन्छ। औषधि उपचार सेवा लिइन्छ।’
मेहता उदाहरण मात्र हुन्। उनी जस्ता अति विपन्न नागरिकको सुचीमा रहेका सयौँ जनाको गाउँपालिकाले स्वास्थ्य बीमा गरिदिएको छ। भाेक्राहा नरसिंह गाउँपालिका अध्यक्ष अजमल अख्तर आजादले विपन्न तथा गरिव नागरिकको स्वास्थ्य बीमा गरेको हो । स्वास्थ्य बीमा गरेको बीमा कार्ड हातमा परेपछि स्थानीय गरिव तथा विपन्न परिवार खुशीले  दंग छन्।गाउँपालिका अध्यक्ष अजमल आजादले पालिका भित्रका अतिविपन्न नागरिकको पहिचान गरेर स्वास्थ्य बीमा गरिदिएको बताए। उनले भने,‘यहाँका कैयन विपन्न नागरिकले स्वास्थ्य बीमा गरेका छैनन। जसका कारण औषधि उपचार गर्न निकै असहज बनिरहेको थियो। अब स्वास्थ्य बीमा कार्ड लिएर स्वास्थ्य सेवा लिनेछन्। बर्षौ देखि लुकाएर राखेको रोगको जाँच तथा उपचार गर्न मद्धत मिल्नेछ। ’
प्रत्येक वडामा गएर स्वास्थ्य बीमा कार्ड बाड्ने भाेक्राहा नरसिंह गाउँपालिकाको तयारी छ । स्थानीय तह निर्वाचन सकिएको तिन महिनापछि साउन महिनामा  स्वास्थ्य बीमा कार्ड वितरण कार्य वडा नम्वर ४ बाट प्रारम्भ भएको थियोे ।
हाल सम्म ८ वटै वडाका ५० /५० जना र गरिव तथा विपन्न परिवारका सदस्य ७० जनाकाे गाउँपालिका अध्यक्ष अजमल आजादले स्वास्थ्य बिमा गरिएको गाउँपालिका स्वास्थ्य विमा संयाेजक असफाक अंसारीले दाबी गरे ।उता गाउँपालिकाले थालेको यो कार्य प्रति स्थानीय उत्साहित भएको भाेक्राहा नरसिंह वडा नम्बर ६ का कमली सदा बताउँछन् । उनले भनिन्,‘स्वास्थ्य बीमा स्वास्थ्य उपचारमा निकै प्रभावकारी ल्याउने देखिन्छ। रोग पालेर बसेका नागरिकका लागि निकै राम्रो छ।
त्यस्तै ’ प्रमुख प्रशासकीय अधिकृत सुवर्ण घिमिरे भने जनतासँग प्रत्यक्ष सराेेकार राख्ने कार्यले स्थानीय सरकार नागरिकको स्वास्थ्य सुरक्षाका लागि कति संवेदनशिल छ भन्ने प्रमाणित भएको बताउँछन्।
उनलेे भने वार्षीक १ लाखको सेवा पाउने स्वास्थ्य बीमा बापतको रकम कुनै रोग विशेषलाई नभई साधन र स्रोतले भ्याएसम्म सबै प्रकारका रोगलाई दिइन्छ।  ओपीडी सेवा,ल्याब,भर्ना,औषधीदेखि लिएर  फार्मेसी परामर्शलगायत सेवा नि:शुल्क पाउने जानकारी दिए ।उनलेे बताएअनुसार कुनैपनि परिवार अति गरिबको सूचीमा छ भने हामीले उनीहरूकाे नि:शुल्क स्वास्थ्य बिमा गर्ने प्रतिवद्वता व्यक्त गरेका छन् ।
अधिकृत घिमिरेले प्रतिवद्वता व्यक्त गर्दै भने हरेक कुराको एउटा सीमा हुन्छ। कुनै कार्यक्रममा सरकारले असीमित सेवा सुविधा दिने हो भने राज्यको ढुकुटीमा रहेको पैसाले पनि धान्न गाह्रो हुन्छ।
स्थानीय सरकारले बिपन्न र गरिबका लगि छुट्टै प्याकेज दिने प्रयास गरेको हो। यो सामाजिक न्यायमा आधारित कार्यक्रम हो। संविधानले पनि व्यवस्था गरेको छ। आधारभुत स्वास्थ्य सेवा निःशुल्क छ। त्योभन्दा माथिका सेवा दिन यो योजना ल्याइएको जानकारी दिए ।उनलेे भने स्वास्थ्य बीमा दाबी अरूभन्दा सहज छ। अरू बीमामा जो बीमित हो उनीहरूलाई आफैं दाबी गर्न जानुपर्छ। यसमा जुन सेवा प्रदायक संस्थाबाट बीमितले सेवा लिएको छ त्यो सेवा प्रदायक संस्था आफैंले दाबी गर्छ।
बीमितलाई कार्डको व्यवस्था गरिएको हुन्छ। त्यसैले सेवाप्रदायक संस्थाले रकम लिन्छ। कार्डमा पैसा हुँदासम्म सेवा दिन्छन्। के सेवा दिएको हो भन्ने सेवा प्रदायक संस्थाले स्वास्थ्य सेवा बोर्डमा दाबी गर्छ। त्यसको आधारमा सेवा प्रदायक संस्थाले रकम पाउँने गरेकोे जानकारी दिए ।