रमेश यादवकाे अध्यक्षतामा नेपाल यादव सेवा समिति गठन

चिराैली । नेपाल यादव सेवा समितिको भोक्राहा नरसिंह गाउँपालिका प्रथम अधिवेशन भव्यताका साथ सम्पन्न भएको छ । भोक्राहा नरसिंह गाउँपालिका ३ को रामजानकी मन्दिर प्रागण भएको यादवहरुको प्रथम अधिवेशनबाट रमेश प्रसाद यादवको अध्यक्षतामा १९ सदस्य समिति चयन गर्दै भव्यताका साथ सम्पन्न भएको हो । सम्पन्न भएको यादव सेवा समितिको भोक्राहा नरसिंह गाउँपालिका प्रथम अधिवेशनबाट बरिष्ट उपाध्यक्षमा हरिलाल यादव, उपाध्यक्षमा सुकदेव यादव, सचिवमा श्यामसुन्दर यादव, सहसचिबमा बच्चालाल यादव र कोषाध्यक्षमा जयकिसोर यादव चयन हुनुभएको छ । सर्वसहमती रुपमा नेतृत्व चयन गर्दै भव्यताका साथ अधिवेशन सम्पन्न भएको जनाएको छ । निर्वाचन समितिका संयोजक नेपाल यादव सेवा समितिका केन्द्रिय सदस्य विशेश्वर यादवको नेतृत्वको टिमले सबैलाई मान्यहुने गरि समितिको भोक्राहा नरसिंह गाउँपालिका प्रथम अधिवेशनबाट पदाधिकारी सहित सदय चयन गर्दै भव्यताका साथ अधिवेशन सम्पन्न गराएको छ ।
नेपाल यादव सेवा समिति गठन तथा विस्तार अभियान अन्तरगत सनिबार भदौ २ गते सुनसरीको भोक्राहा नरसिंह गाउँपालिका अधिवेशन तथा भेलाबाट सदस्यहरुमा राजेश्जर यादव, राजेश्वर यादव, मुरली यादव, रघुनन्दन यादव, संजय यादव, दिपनारायण यादव,पंकज यादव, रामेश्वर यादव, बासुदेव यादव, डम्बर यादव, झबरलाल यादव, सहितको निरविरोध चयन हुनुभएको छ ।नेपाल यादव सेवा समितिको भोक्राहा नरसिंह गाउँपालिकाको सबै वडामा वडा भेला सम्पन्न गरेर वडा सहित गाउँको अगुवा यादवहरुको भेलाले नयाँ नेतृत्व चयन गर्दै प्रथम भोक्राहा नरसिंह भेला सनिबार सम्पन्न भएको हो ।
नेपाल यादव सेवा समितिको भोक्राहा अधिवेशन तयारी समितिका संयोजक एवम् समितिका जिल्ला कोषाध्यक्ष रमेशप्रसाद यादवका अनुसार भेलामा गाउँपालिकाभरीका यादवहरुको भेलाले आफूलाई नेतृत्व दिएकाले यादवहरुको भावनाको कदर गर्दै नेतृत्व समालेको बताउनुभयो ।
अधिवेशनका वत्ताहरुले गाउँका यादवहरुको बीचमा एकता, सद्भाव, सामाजिक विकास, सहयोग र भाईचारा सहित सामुदायिक विकासमा जोड दिएका थिए । त्यसैगरी  यदुवंशीहरुको एकता गर्ने उदेश्यका साथ नेपाल यादव सेवा समितिले भोक्राहा नरसिंह कार्यसमिति चयन गरेको जनाएको छ । भोक्रहा नरसिंह ३ को रामजानकी मन्दिरमा एक समारोहबीच यादव सेवा समितिले प्रथम अधिवेशन तथा भेलामा भव्यताका साथ सम्पन्न भएको जिल्ला सदस्य देवकृष्ण यादवले जानकारी दिनुभयो । गाउँपालिका क्षेत्रमा बसोबास गरिरहेका विभिन्न काम, पेशा व्यवसायका सबै यदुवंशी यादवहरुको उपस्थितीमा चयन भएको नयाँ समितिलाई निर्वाचन समितिका संयोजक विशेश्वर यादव, सदस्य भुवनेश्वर यादव, जयकृष्ण यादव र देवकृष्ण यादव सहितले अविर सहित बधाई तथा शुभकामना दिनुभएको छ ।भव्यताका साथ अधिवेशन सफलताको शुभकामना दिनुहुनेहरुमा युनेस्कोका सदस्य हरिगोविन्द यादव, कृषिका अगुवा केदार पोखरेल, अशोक चितलांगिया, यादव समुदायका चौरासी राजा गुरुदेव यादव, समितिका जिल्ला अध्यक्ष भुवनेश्वर यादव, केन्द्रिय सदस्य विशेश्वर यादव, सल्लाहकार प्रध्यापक कुन्जिलाल यादव सहितका अथितिहरुले शुभकामना दिनुभएको आयोजक समितिका सुकदेव यादवले जानकारी दिनुभयो । भोक्राहा नरसिंह गाउँपालिकामा यादव सेवा समितिको भव्य कार्यक्रम भएको अर्का सदस्य मिथलेश यादवले जानकारी दिनुभयो । यसअघि नेपाल यादव सेवा समितिको कोशी गाउँपालिका र दुहवी नगरपालिका अधिवेशन सम्पन्न भईसकेको छ । सबै स्थानीय तहको सकेर जिल्ला भेला तथा अधिवेशन गर्ने यादव सेवा समितिका अध्यक्ष भुवनेश्वर यादवले जानकारी दिनुभयो ।