स्थानीय तह वित्तिय सुशासन जोखिम मुल्यांकनमा भोक्राहा नरसिंह दाेस्राे

इनरुवा । स्थानीय तह संस्थागत क्षमता स्वमूल्याङकन लिजामा सुनसरी जिल्लाका १२ स्थानीय तह मध्ये नवौ स्थानमा परेको इनरुवा नगरपालिकाको स्थिति स्थानीय तह वित्तिय सुशासन जोखिम मुल्यांकनमा भने सुधारिएको छ ।
स्थानीय तह वित्तिय सुशासन जोखिम मुल्यांकन रिपोर्टमा इनरुवाको स्थिति जिल्लामा पाचौ नम्बरमा रहेको छ ।
रिपोर्ट अनुसार ६९ अंकसहित धरान उपमहानगरपालिका पहिलो नम्बरमा छ भने ६४ अंकसहित भोक्राहा नरसिंह गाउँपालिका दोस्रो नम्बरमा छ ।
त्यसैगरी ६३.५ अंकसहित दुहवी नगरपालिका तेस्रो स्थानमा रहन सफल भएको छ भने हरिनगर गाउपालिका ५९.५ अंकसहित चौथो स्थानमा रहेको छ ।
इनरुवा नगरपालिका ५९ अंकसहित पाँचौ स्थानमा रहन सफल भएको छ । त्यसपछि ५३.६ अंकसहित रामधुनी नगरपालिका छैठौ, ४१ अंकसहित बर्जु गाउँपालिका सातौ, ३९.५ अंकसहित देवानगञ्ज गाउँपालिका आठौ, ३७.५ अंकसहित गढी गाउँपालिका नवौ, ३६ अंकसहित इटहरी उपमहानगरपालिका दशौ, ३३.५ अंकसहित कोशी गाउँपालिका एघारौ र ३२.५ अंकसहित बराहक्षेत्र नगरपालिका अन्तिम स्थानमा रहेको छ ।
यसअघि सार्वजनिक स्थानीय तह संस्थागत क्षमता स्वमूल्याङकन लिजामा पहिलो नम्बरमा रहेको बराहक्षेत्र नगरपालिका स्थानीय तह वित्तिय सुशासन जोखिम मुल्यांकन रिपोर्टमा भने सबैभन्दा अन्तिम बन्न पुगेको छ । बराहक्षेत्रले स्वमुल्यांकनमा भने ९१ नम्बर प्राप्त गरेको थियो ।
त्यस्तै हरिनगर गाउपालिकाले ८३.५ अंक ल्याएर जिल्लामा दोस्रो भएको थियो अहिले सो पालिका चौथो स्थानमा परेको छ ।
स्वमुल्यांकनमा इटहरी उपमहानगरपालिकाले ८१.२५ अंक ल्याएर तेस्रो भएकोमा अहिले दशौ स्थानमा छ । त्यसैगरी दुहवी नगरपालिकाले ८० अंक प्राप्त गरेर चौथौ भएकोमा अहिले एक स्थान माथि उक्लिदै तेस्रो बनेको छ ।
रामधुनी नगरपालिकाले ७३ अंक ल्याएर पाचौ भएकोमा अहिले छैठौ स्थानमा झरेको छ ।
धरान उपमहानगरपालिकाले ७१.५ अंक ल्याएर छैठौ भएकोमा अहिले पहिलो स्थानमा उक्लिएको छ । भोक्राहा नरसिह गाउपालिकाले ६९.२५ ल्याएर सातौ भएकोमा अहिले दोस्रो स्थानमा उक्लिएको छ ।
यसैगरि बर्जु गाउपालिकाले ६८.५ अंक ल्याएर आठौ भएकोमा अहिले एक अंक सुधार गर्दै सातौ स्थानमा उक्लिएको छ ।
स्वमुल्यांकनमा गढी गाउपालिकाले ६६.५ अंक ल्याएर दशौ भएकोमा अहिले एक स्थान सुधार गर्दै नवौ बनेको छ । कोशी गाउपालिका दुबै मुल्यांकनमा ११ औ नम्बरमा रहेको छ ।
स्वमुल्यांकनमा सवैभन्दा कमजोर देखिएको देवानगञ्ज गाउपालिका वित्तिय सुशासन जोखिम मुल्यांकन रिपोर्टमा एक अंक सुधार गर्दै एघारौ स्थान प्राप्त गरेको छ ।