डिआईजी राजन अधिकारीद्वारा सुनसरी प्रहरी कार्यालयको निरीक्षण

सुनसरी । कोशी प्रदेश प्रहरी प्रमुख प्रहरी नायव महानिरीक्षक (डिआईजी) राजन अधिकारीले पुस ९ गते सुनसरी जिल्ला प्रहरी कार्यालयको निरीक्षण भ्रमण गरेका छन्। निरीक्षणको क्रममा उनले कार्यालयका विभिन्न शाखाहरू, हिरासत कक्ष, र परिसरको विस्तृत रूपमा अवलोकन गरेका छन्। प्रहरी कार्यालय परिसरमा वृक्षारोपण गर्दै उनले सुरक्षा व्यवस्थालाई सुदृढ बनाउने विषयमा महत्वपूर्ण निर्देशन दिएका छन्।

शाखा निरीक्षण र हिरासत कक्षको अवस्था
डिआईजी अधिकारीले कार्यालयका शाखाहरूको कार्यप्रणाली, रेकर्ड व्यवस्थापन, र दक्षताबारे जानकारी लिएका थिए। हिरासत कक्षको निरीक्षणका क्रममा उनले हिरासतमा रहेका व्यक्तिहरूको अवस्था, मानव अधिकारको संरक्षण, र हिरासत व्यवस्थापनमा ध्यान दिन निर्देशन दिए। प्रहरी कार्यालयको दैनिक कामकाजलाई व्यवस्थित, पारदर्शी, र प्रभावकारी बनाउँदै लैजानुपर्ने उनले बताए।प्रहरी कर्मचारीहरूसँगको छलफलमा डिआईजी अधिकारीले प्रहरी सेवा नागरिकमैत्री बनाउन जोड दिए। उनले नागरिकको विश्वास जित्न छिटो, शिष्ट, र पीडितमैत्री सेवा प्रदान गर्नुपर्नेमा जोड दिदैं शून्य सहनशीलताको नीतिमा काम गर्न निर्देशन दिए। “प्रहरीले आफ्नो जिम्मेवारी अनुशासन र बन्धुत्व भावनाका साथ निर्वाह गर्नुपर्छ,” उनले भने।
यता डिआईजी अधिकारीले अपराध नियन्त्रण र सीमा क्षेत्रमा हुने अवैध गतिविधि रोक्न विशेष ध्यान दिनुपर्ने बताए। भारतीय सीमा क्षेत्रबाट हुने चोरी निकासी र लागुऔषध तस्करी रोक्न प्रहरी परिचालनलाई चुस्त बनाउँदै भारतका सुरक्षा निकायहरूसँग समन्वय गरी कार्य गर्नुपर्ने उनले बताए।
त्यसैगरी निरीक्षण भ्रमणको क्रममा सुनसरीका प्रहरी प्रमुख प्रहरी उपरीक्षक सुमन कुमार तिम्सिनाले जिल्लाको सुरक्षा अवस्थाबारे प्रस्तुति दिएका थिए। उनले जिल्लाको शान्ति सुरक्षा, जनशक्ति व्यवस्थापन, र आगामी योजनाहरूबारे जानकारी दिँदै सुरक्षा चुनौतीहरूको समाधानका लागि प्रदेश प्रहरी कार्यालयसँग सहयोग आवश्यक रहेको बताए।डिआईजी अधिकारीको निरीक्षणले सुनसरी जिल्लामा सुरक्षा व्यवस्थालाई थप सुदृढ गर्न सहयोग पुग्ने विश्वास गरिएको छ। अपराध नियन्त्रण, शान्ति सुरक्षा, र नागरिकमैत्री सेवा प्रवाहमा सुधारकाे आवश्यक रहेको जानकारी दिए ।

यता सुनसरी प्रहरी कार्यालयका प्रहरी तथा प्रहरी उपरीक्षक सुमन कुमार तिमिल्सिनाले प्रदेश प्रहरी प्रमुखको निर्देशनअनुसार काम कारबाहीलाई व्यवस्थित गर्दै लग्ने जनाएको छ। जिल्लामा शान्ति सुरक्षाको स्तर उकास्न डिआईजी अधिकारीले दिएको मार्गदर्शनले सकारात्मक प्रभाव पार्ने प्रहरी अधिकारीहरूले विश्वास व्यक्त गरेका छन्।