दिपेन्द्र यादव / इनरुवा – सुनसरीको भोक्राहा नरसिंह गाउँपालिका गाउँ कार्यपालिकाको १७औं हिउँदे अधिवेशन आज सफलतापूर्वक सम्पन्न भएको छ। गाउँपालिकाकी उपाध्यक्ष सुनिता कुमारी उराँवको अध्यक्षतामा र गाउँपालिका अध्यक्ष अजमल अख्तर आजादको प्रमुख आतिथ्यतामा सुरु भएको अधिवेशनमा नेपाल सरकारका उपसचिव र गाउँपालिकाका प्रमुख प्रशासकीय अधिकृत सुवर्ण घिमिरे लगायत अन्य प्रमुख व्यक्तिहरूको उपस्थिति थियो।
अधिवेशनको उद्घाटन समारोहमा गाउँसभा सदस्य, कार्यपालिका सदस्य, वडा सदस्य, कर्मचारी, पत्रकार र सुरक्षाकर्मीहरूको सहभागिता रहेको थियो। कार्यक्रममा सेवा निवृत्त कर्मचारी र शिक्षकहरूको सम्मान गर्दै बिदाइ गरिएको थियो। उनीहरूको समर्पण र योगदानको कदर गर्दै, कार्यकालको महत्वपूर्ण पक्षहरूको प्रशंसा गरिएको थियो।
अधिवेशनका दौरान विभिन्न विकासका योजनाहरू, आगामी वर्षको बजेट, जनताको समस्याहरू र आवश्यक सुधारहरूको बारेमा छलफल गरिएको थियो। यस अधिवेशनको प्रमुख विषय भनेको गाउँपालिकाको समग्र विकास, शिक्षा, स्वास्थ्य र संरचनात्मक विकासका परियोजनाहरूको बारेमा चर्चा गरिएको थियो। साथै, नारी सशक्तिकरण, शैक्षिक सुधार र बेरोजगारी कम गर्ने जस्ता सामाजिक र आर्थिक सुधारका विषयमा विचार गरिएको छ।
गाउँपालिकाका सूचना अधिकृत सन्देश तिम्सिनाका अनुसार, बन्दसत्रपछि अधिवेशनका सबै मुद्दाहरूलाई संवेदनशीलतासाथ उठाएर कार्यान्वयनका लागि निर्णयहरू लिइएका छन्। यस अधिवेशनले आगामी महिनामा लागू हुने सरकारी योजनाहरू र स्थानीय आवश्यकताहरूमा विशेष ध्यान दिने निर्णय गरेको छ।
Discussion about this post